विशेष प्रतिनिधी
पिंपरी चिंचवड: पिंपरी चिंचवडमध्ये हिंदू व मुस्लिम धर्मीय रिक्षा चालकांनी एकत्र येत कुराण व हनुमान चालिसाचे एकाच कार्यक्रमात पठण केले. या द्वारे या रिक्षा चालकांनी हिंदू-मुस्लिम एकता आणि बंधुभावाचा संदेश दिला.
देशभरात पवित्र रमजान आणि राम नवमी मोठ्या जल्लोषात साजरी होत आहे.Brotherhood message, Hindu and Muslim rickshaw pullers recite Quran and Hanuman Chalisa together
काही दिवसांपूर्वी मनसेचे अध्यक्ष राज ठाकरे यांनी पुण्यात मशिदींवरील भोंग्यांच्या संदर्भात भाषण केलं होते. त्यामुळे राज्यात काही ठिकाणी धार्मिक तेढ निर्माण झाली आहे. या पार्श्वभूमीवर त्यांच्या वक्तव्याचे पडसाद हळूहळू संपूर्ण महाराष्ट्रात पडायला सुरुवात झाली. मात्र, असे असताना पिंपरी-चिंचवडमधील रिक्षाचालकांनी धार्मिक तेढ निर्माण होऊ नये यासाठी कुराण आणि हनुमान चालिसाचे पठण करून समाजासमोर एक वेगळा आदर्श ठेवला.
सध्या मुस्लिम धमीर्यांचा रमजानचा पवित्र महिना सुरू आहे. रविवारी राम नवमीचा दिवस होता. दोन्ही धर्मांतील सणाचं पावित्र्य आणि आदर राखत काल रविवारी हिंदू व मुस्लिम बांधवांनी हनुमान चालीसा आणि कुराण मधील सुराह अल फतेह या आयतींचे एकत्र पठण केले. हनुमान चालिसा आणि मशिदींवरील भोंग्यांच्या मुद्यांवरून दोन धर्मांमध्ये तेढ निर्माण होऊ नये या दृष्टीने रिक्षाचालकांनी केलेल्या या कृतीचं सर्वत्र कौतुक केले जात आहे.
Brotherhood message, Hindu and Muslim rickshaw pullers recite Quran and Hanuman Chalisa together
महत्त्वाच्या बातम्या
- पवार मुख्यमंत्री असते तर…!!; काँग्रेसच्या मंत्री यशोमती ठाकूरांचा शिवसेना – काँग्रेसखाली राजकीय सुरुंग!!
- शहाबाज शरीफ : 5 बायकांचा दादला; इम्रानला नाही ऐकला!!
- सिल्वर ओक वरील दगड – चप्पल फेक; १०९ एसटी कामगारांना नोकरी गमावण्याची “शिक्षा”!!
- समाजवादी पार्टी मुस्लिमांसाठी काम करत नाही खासदार बारक यांचा आरोप