Two Cases Of Omicron Detected In Karnataka : जगातील अनेक देशांमध्ये समोर येत असलेल्या ओमिक्रॉन या कोरोनाच्या नवीन प्रकाराने दहशत निर्माण केली आहे. आता ओमिक्रॉनने भारतातही प्रवेश केला आहे. आरोग्य मंत्रालयाने आज सांगितले की, गेल्या 24 तासांत देशात ओमिक्रॉनची दोन प्रकरणे समोर आली आहेत. दोन्ही प्रकरणे कर्नाटकात आढळून आली आहेत. यापैकी एका संक्रमित व्यक्तीचे वय ६६ आणि दुसऱ्याचे ४६ वर्षे आहे. Big News Two Cases Of Omicron Detected In Karnataka So Far Through Genome Sequencing Effort Of INSACOG
वृत्तसंस्था
नवी दिल्ली : जगातील अनेक देशांमध्ये समोर येत असलेल्या ओमिक्रॉन या कोरोनाच्या नवीन प्रकाराने दहशत निर्माण केली आहे. आता ओमिक्रॉनने भारतातही प्रवेश केला आहे. आरोग्य मंत्रालयाने आज सांगितले की, गेल्या 24 तासांत देशात ओमिक्रॉनची दोन प्रकरणे समोर आली आहेत. दोन्ही प्रकरणे कर्नाटकात आढळून आली आहेत. यापैकी एका संक्रमित व्यक्तीचे वय ६६ आणि दुसऱ्याचे ४६ वर्षे आहे.
त्यांचा अहवाल बुधवारी रात्री उशिरा प्राप्त झाला. दोघांवर उपचार सुरू असून त्यांची देखरेख करण्यात येत आहे. आरोग्य मंत्रालयाने सांगितले की, आपण भीती किंवा दहशतीचे वातावरण निर्माण करण्याची गरज नाही. कोरोना प्रोटोकॉलचे पालन करून लस घ्यायची आहे. सरकार परिस्थितीवर लक्ष ठेवून आहे.
ICMRचे DG बलराम भार्गव म्हणाले की, आरोग्य मंत्रालयाने स्थापन केलेल्या 37 प्रयोगशाळांच्या INSACOG कन्सोर्टियमच्या जीनोम सिक्वेन्सिंगद्वारे कर्नाटकमध्ये आतापर्यंत ओमिक्रॉनची दोन प्रकरणे आढळून आली आहेत. आपण घाबरून जाण्याची गरज नाही, पण जागरूकता खूप महत्त्वाची आहे.
कोरोना नियमांचे पालन गरजेचे
यासोबतच केंद्रीय आरोग्य मंत्रालयाचे सहसचिव लव अग्रवाल यांनी सांगितले की, आतापर्यंत सुमारे 29 देशांमध्ये ओमिक्रॉन प्रकाराची 373 प्रकरणे नोंदवण्यात आली आहेत. हा व्हेरिएंट मागच्या तुलनेत सात पट संसर्गजन्य असण्याची शक्यता आहे. ते म्हणाले की युरोपमध्ये जगभरातील प्रकरणांमध्ये सर्वात मोठी वाढ झाली आहे. गेल्या एका आठवड्यात जगातील 70 टक्के प्रकरणे येथे नोंदवली गेली आहेत. युरोपियन प्रदेशात 28 नोव्हेंबर रोजी संपलेल्या आठवड्यात जवळपास 2.75 लाख नवीन प्रकरणे आणि 31,000 हून अधिक मृत्यूची नोंद झाली आहे.
त्या तुलनेत, भारत आणि इतर 11 देशांचा समावेश असलेल्या दक्षिणपूर्व आशियाई प्रदेशात गेल्या एका आठवड्यात केवळ 1.2 लाख प्रकरणे नोंदली गेली आहेत. हे जगातील एकूण प्रकरणांपैकी केवळ 3.1 टक्के आहे. आग्नेय आशियाई प्रदेशात प्रकरणांमध्ये घट नोंदवली जात आहे.
केरळ-महाराष्ट्रात सर्वाधिक प्रकरणे
लव अग्रवाल म्हणाले की, देशात कोरोनाची प्रकरणे सातत्याने कमी होत आहेत. दोन राज्यांमध्ये संसर्गाची आकडेवारी अजूनही जास्त आहे. केरळ आणि महाराष्ट्र ही दोन राज्ये आहेत जिथे 10,000 हून अधिक सक्रिय रुग्ण आहेत. देशातील 55 टक्के रुग्ण या दोन राज्यांमध्ये नोंदवण्यात आली आहेत. तथापि, लव अग्रवाल यांनी सांगितले की, लसीकरणाचा दुसरा डोस देण्याचे प्रमाण वाढले आहे. देशभरात लसीकरणाची संख्या वाढवण्यासाठी अनेक उपक्रम हाती घेण्यात आले आहेत.
Big News Two Cases Of Omicron Detected In Karnataka So Far Through Genome Sequencing Effort Of INSACOG
महत्त्वाच्या बातम्या
- Prashant Kishor : प्रशांत किशोर यांचा काँग्रेसवर निशाणा, म्हणाले- विरोधी पक्षांचे नेतृत्व हा काँग्रेसचा दैवी अधिकार नाही, त्यांचा ९० टक्के निवडणुकांमध्ये पराभव!
- THANE : भिवंडीत अवैधरित्या राहणाऱ्या ४० बांगलादेशींना अटक ! आधार कार्डसह पॅनकार्ड जप्त ; गुन्हा दाखल
- हत्ती – उंट – घोडे!!; ममतांवर निशाणा, पण टार्गेट कोण?; अशोकरावांना विलासराव आत्ताच का आठवले…??
- योगींच्या ब्रह्मचर्य पालनावर अखिलेश यांचे बोट!!; म्हणाले, फक्त कुटुंबवत्सल जाणू शकतो कुटुंबीयांची दुःखे!!
- यूपीएचे अस्तित्व नाकारले ममता – पवारांनी; वाद जुंपला थोरात – मलिकांमध्ये!!