वृत्तसंस्था
मुंबई : पुण्यातील उद्योजक आणि पवारांसह अनेक नेत्यांचे निकटवर्ती अविनाश भोसले यांनी घोटाळ्याच्या पैशातून मालमत्ता खरेदी केल्याचा उल्लेख सीबाआयने आरोपपत्रात केला आहे. त्यामुळे अविनाश भोसले यांची लंडनमधील मालमत्ताही सीबीआयच्या स्कॅनरखाली आली आहे. तीन दिवसांपूर्वी सीबीआयने अविनाश भोसलेंविरोधात आरोपपत्र दाखल केले त्यातून ही माहिती समोर आली आहे. Avinash Bhosle’s purchase of 1000 crore heritage building in London with scam money
लंडनमध्ये इमारत खरेदी
लंडनमधील “फाईस ट्रॅक” ही अलिशान हेरिटेज इमारत 2018 मध्ये भोसलेंनी खरेदी केली होती. या इमारतीत 200 खोल्यांचे शानदार हेरिटेज हाॅटेलमध्ये रुपांतर करण्याचा त्यांचा प्रयत्न होता. बकिंगहॅम पॅलेसजवळ ही हेरिटेज इमारत आहे. अविनाश भोसले यांनी ती खरेदी केल्यानंतर भारतीय उद्योजकाच्या या साहसाची त्यावेळी मोठी चर्चाही झाली होती.
इमारत खरेदी एक हजार कोटींची
या हेरिटेज इमारतीची खरेदी आणि तिचे हाॅटेलमध्ये रूपांतर यासाठी लागलेल्या 1000 कोटी रुपयांपैकी 700 कोटी रुपये अविनाश भोसले यांनी येस बँकेतून कर्ज स्वरुपात घेतले. त्याचाच तपास सीबीआय करीत आहे. या कर्जात अनियमितता आहे. केवळ कन्सलटन्सी फ्री म्हणून 70 कोटी रुपये दिले गेले, रेडीयस ग्रूप आणि डीएचएफएलकडून यांच्याकडून एकूण 700 कोटी रुपये जमवले होते त्यात स्वतः 300 कोटींची रक्कम भरत व्यवहार इमारत खरेदीसाठी केला होता.
व्यवहार सीबीआयच्या रडारवर
हा व्यवहार सीबीआयच्या रडारवर आहे. या व्यवहारांचा तपशील काय होता याचाच तपास सीबीआय करीत आहेत, सध्या अविनाश भोसले सध्या न्यायालयीन कोठडीत आहेत. त्यांची परत सीबीआय कोठडी घेतली जाऊ शकते आणि परत चौकशी केली जाऊ शकते.
26 मे रोजी भोसलेंना अटक
अविनाश भोसले यांना डीएचएफएल आणि येस बँक घोटाळाप्रकरणी सीबीआयने 26 मे रोजी पुण्यातून अटक केली होती. त्यानंतर त्यांना दहा दिवसांची सीबीआय कोठडी देण्यात आली होती. सध्या ते न्यायालयीन कोठडीत आहेत.
– पुण्यातील मालमत्ता जप्त
सीबीआयने डीएचएफएल घोटाळ्याप्रकरणी अविनाश भोसलेंवर ही कारवाई केली. भोसले यांचे नाव येस बँक घोटाळाप्रकरणीही चर्चेत होते. या दोन्ही प्रकरणांची सीबीआयने चौकशी सुरू केली होती. शिवाय याप्रकरणी पुणे – मुंबई परिसरातील तब्बल 8 ठिकाणी छापेमारी केली होती. या छाप्यातून सीबीआयच्या हाती काही महत्त्वाचे धागेदोरे लागल्याचे समजते. त्यातूनच ही कारवाई करण्यात आली आहे. ईडीने याआधी अविनाश भोसले यांची 40 कोटी 34 लाख रुपयांची मालमत्ता जप्त केली आहे.
Avinash Bhosle’s purchase of 1000 crore heritage building in London with scam money
महत्वाच्या बातम्या
- पुण्यातील 50 कोटींच्या शिक्षक भरती घोटाळ्याची ईडी चौकशी, बनावट कागदपत्रांच्या आधारे 23 जणांची भरती
- वार-पलटवार : राऊत म्हणाले- शिंदे गटाचे काही आमदार संपर्कात, शिंदे म्हणाले- राऊतांना सत्तांतराचे स्वप्न पाहू द्या!
- राष्ट्रपत्नी अश्लाघ्य टिपण्णी : काँग्रेस नेत्यांचे नेमके राजकीय – सामाजिक दुखणे काय??
- आदित्य ठाकरेंच्या शिवसंवादानंतर आता एकनाथ शिंदेंचा महाराष्ट्रात शक्तिप्रदर्शन दौरा!!