प्रतिनिधी
मुंबई : प्रसिद्ध अभिनेते आणि दिग्दर्शक सतीश कौशिक यांचे निधन झाले आहे. वयाच्या 66व्या वर्षी त्यांनी अखेरचा श्वास घेतला. अनुपम खेर यांनी सकाळी ट्विट करून ही माहिती दिली. अनुपम यांनी लिहिले, ‘सतीश, तुझ्याशिवाय आयुष्य पूर्वीसारखे राहणार नाही.’ दरम्यान, सतीश कौशिक यांच्या मृत्यूचे कारण अद्याप स्पष्ट झालेले नाही.Actor-director Satish Kaushik passes away at the age of 66, mourned by film stalwarts
7 मार्च रोजी जावेद अख्तर यांनी जानकी कुटीर जुहू येथे आयोजित केलेल्या होली पार्टीत ते सहभागी झाले होते. त्यांनी या सेलिब्रेशनचे फोटो ट्विट केले होते, ज्यामध्ये ते फिट दिसत होते. त्यांनी लिहिले होते- ‘जावेद अख्तर, शबाना आझमी, बाबा आझमी, तन्वी आझमी यांनी आयोजित केलेल्या पार्टीत रंगीबेरंगी होलीचा आनंद लुटला. अली फजल आणि ऋचा चढ्ढा हे नवविवाहित जोडपे भेटले. सर्वांना होलीच्या शुभेच्छा.”
अनुपम खेर यांनी लिहिले- तुझ्याशिवाय आयुष्य पूर्वीसारखे राहणार नाही
श्रद्धांजली वाहताना खेर यांनी लिहिले- ‘मला माहिती आहे, मृत्यू हे या जगाचे शेवटचे सत्य आहे, पण मी जिवंत असताना माझ्या जिवलग मित्र #सतीशकौशिकबद्दल हे लिहीन असे स्वप्नातही वाटले नव्हते. 45 वर्षांच्या मैत्रीला असा अचानक पूर्णविराम!! सतीश तुझ्याशिवाय आयुष्य कधीच पूर्वीसारखे राहणार नाही! ओम शांती!’
सतीश यांचा हरियाणातला जन्म, शिक्षण दिल्लीतून
सतीश कौशिक यांचा जन्म 13 एप्रिल 1956 रोजी हरियाणातील महेंद्रगड येथे झाला. शालेय शिक्षण दिल्लीत झाले. किरोरी माल महाविद्यालयातून पदवी घेतल्यानंतर त्यांनी नॅशनल स्कूल ऑफ ड्रामा (NSD) मध्ये प्रवेश घेतला. 1985 मध्ये त्यांनी शशी कौशिक यांच्यासोबत लग्न केले. त्यांच्या मुलाचे वयाच्या अवघ्या दुसऱ्या वर्षी निधन झाले.
मिस्टर इंडियातून मिळाली ओळख
सतीश यांनी 1983 मध्ये बॉलिवूडमध्ये पदार्पण केले. त्यापूर्वी त्यांनी थिएटरमध्ये काम केले. ते एक अभिनेता, विनोदी अभिनेता, पटकथा लेखक, दिग्दर्शक आणि निर्माता होते. सतीश यांना 1987 मध्ये आलेल्या मिस्टर इंडिया या चित्रपटातून ओळख मिळाली. त्यानंतर 1997 मध्ये आलेल्या दिवाना-मस्तानामध्ये पप्पू पेजरची भूमिका केली. सतीश यांना 1990 मध्ये राम लखन आणि 1997 मध्ये साजन चले ससुरालसाठी सर्वोत्कृष्ट विनोदी कलाकाराचा फिल्मफेअर पुरस्कारही मिळाला होता.
Actor-director Satish Kaushik passes away at the age of 66, mourned by film stalwarts
महत्वाच्या बातम्या
- अदानी समूहाचे आणखी एक मोठे पाऊल, 7300 कोटींचे कर्ज वेळेपूर्वीच फेडले, गुंतवणूकदारांचा विश्वास जिंकण्याचा प्रयत्न
- भाजपाला आव्हान देण्यासाठी महाराष्ट्रात महाविकास आघाडीच्या संयुक्त सभा
- नागालँडमध्ये सत्ताधारी भाजपाबरोबर जाण्याचा निर्णय घेण्यामागचं कारण शरद पवारांनी सांगितलं, म्हणाले…
- आगामी निवडणुकीपर्यंत उरलेले १५ आमदारही उद्धव ठाकरेंच्या हाताशी राहत नाहीत – नारायण राणेंचं विधान!