वृत्तसंस्था
मुंबई : मॉर्गन स्टॅनले कंपनीचे उपाध्यक्ष सुधांश निवासकर यांनी एका मोबाईल चोराला अत्यंत नाट्यमय पद्धतीने पकडून पोलिसांच्या हवाली केले. एखाद्या सिनेमाची कथा घडावी अशी कथा प्रत्यक्ष मुंबईच्या रस्त्यावर घडली. A Morgan Stanley vice president chased a mobile phone thief across the street
सुधांशू निवासकर (वय 41) यांनी गोरेगावच्या हब मॉल येथून चांदीवलीला आपल्या घरी जाण्यासाठी एक ऑटो रिक्षा केली. पण सायंकाळच्या वेळी जोगेश्वरी विक्रोळी लिंक रोडवर ऑटो रिक्षा ट्रॅफिक जाम मध्ये अडकली. तिच्यातच बसून सुधांशू निवासकर हे मोबाईल पाहत होते. मोबाईल त्यांच्या डाव्या हातात होता. नेमका त्याच वेळी एक जण आला आणि त्याने सुधांशू यांच्या हातातून मोबाईल हिसकावून घेऊन तो पळू लागला. सुधांशू यांना क्षणार्धात काय झाले हे लक्षात आले. ते देखील रिक्षातून लगेच उतरून मोबाईल चोराच्या मागे धावले. काही क्षणात त्यांनी मोबाईल चोराला गाठले. पण त्यांच्या हाताला हिसका देऊन मोबाईल चोर पुन्हा निसटला. पण सुधांशू यांनी आपले प्रयत्न सोडले नाहीत. ते मोबाईल चोराच्या मागे धावत राहिले.
भर ट्राफिक जाम मध्ये घडलेल्या या प्रसंगामुळे आजूबाजूचे लोकही सतर्क झाले. एका स्पॉटवर मोबाईलवर अडखळला आणि पडला. तोपर्यंत सुधांशू त्याच्यापर्यंत पोहोचले आणि इतरांच्या मदतीने त्याला पकडले. सुधांशू यांनी ताबडतोब पोलिसांना फोन केला. तिथून जवळच असलेले पवई पोलिसांचे मोबाईल युनिट काही मिनिटातच तिथे दाखल झाले आणि मोबाईल चोराला त्यांनी अटक केली. सागर ठाकूर (वय 32) असे मोबाईल चोराचे नाव असून तो विक्रोळीच्या साकी विहार मध्ये राहतो. त्याची बाकीची गुन्हेगारी बॅकग्राऊंड पोलीस तपासत आहेत.
A Morgan Stanley vice president chased a mobile phone thief across the street
महत्वाच्या बातम्या
- मुंबईत गॉस्पेल चर्च, आश्रमाच्या अतिक्रमणावर हातोडा; बाल लैंगिक शोषणावरून फादरला अटक
- समृद्धी महामार्ग : पुणे – मुंबई – नाशिक गोल्डन ट्रँगलच्या पलिकडे नेणारी महाराष्ट्राच्या विकासाची महावाट!!
- सगळ्या नेत्यांमध्ये मोदींपेक्षा मोठा हिंदुत्ववादी नेता होण्याची स्पर्धा; असदुद्दीन ओवैसींचा राहुल, केजरीवालांना टोला
- पुणे, पिंपरी चिंचवड मध्ये नोकरीची संधी; 5000 जागा उपलब्ध; उद्या रोजगार मेळावा