भीषण दुर्घटना! अकोल्यात अवकाळी पावसामुळे मंदिरावरील पत्र्याच्या शेडवर झाड कोसळून सात जणांचा मृत्यू

या दुर्घटनेत किमान ३०-४० जण जखमी झाले आहेत.

विशेष प्रतिनिधी

अकोला : राज्यभरात काल अनेक ठिकाणी अवकाळी पावसाने अक्षरशा झोडपून काढले. अनेक ठिकाणी तर गारपीटही झाल्याने पिकांचे मोठे नुकसान झाले आहे. दरम्यान, या अवकाळी पावसामुळे अकोला जिल्ह्यातील पारस गावात काल सायंकाळी एक भीषण दुर्घटना घडली. पावसामुळे मंदिरवरील पत्र्याच्या शेडवर जुने झाड कोसळून घडलेल्या दुर्घटनेत सात जणांचा मृत्यू झाला तर ३०-४० जण जखमी झाले. जखमींना रुग्णालयात दाखल करण्यात आले आहे. अकोलाच्या जिल्हाधिकारी निमा अरोरा यांनी ही माहिती दिली आहे. 7 people dead while many injured after an old tree fell on a tin shed in Paras village in Akola district due to rainfall

पारस गावात बाबाजी महाराज मंदिरासमोर सायंकाळच्या महाआरतीनंतर प्रसाद वाटपाला सुरुवात झाली. मात्र याच दरम्यान वादळी वारा आणि पावसामुळे मोठे जुने कडुलिंबाचे झाड पत्र्याच्या शेडवर कोसळले. या शेडखाली अनेक भाविक उभे होते. त्यातील अनेक जण त्याखाली दबले गेले.

या दुर्घटनेत सात जणांचा मृत्यू झाल्याची माहिती समोर आली असून, ३०-४० जण जखमी झाले आहेत, ज्यांच्यावर अकोला मेडिकल कॉलेजमध्ये उपचार सुरू आहेत. घटनेची माहिती मिळताच स्थानिक नागरिक आणि बाळापूर पोलिसांनी घटनास्थळी जाऊन बचावकार्य सुरू केले.

7 people dead while many injured after an old tree fell on a tin shed in Paras village in Akola district due to rainfall

महत्वाच्या बातम्या 

• महाराष्ट्राचे मुख्यमंत्री एकनाथ शिंदे आज अयोध्येत रामलल्लाचे घेणार दर्शन, लखनऊला पोहोचल्यावर केले ट्विट
•  कोरोना महामारीचा डेटा मागितल्यावर चीनचे बेताल प्रत्युत्तर, WHOला इतर देशांचे टूल न बनण्याचा इशारा
• राहुल आता गप्प, पण पवारच पुन्हा काढतात सावरकरांचा विषय; काँग्रेस हायकमांड तीव्र नाराज; पवारांच्या “दुखऱ्या नसा” दाबण्याचे सूचक इशारे