12 BJP MLAs : राज्याच्या विधानसभेतील भाजपच्या निलंबित 12 आमदारांना सर्वोच्च न्यायालयाकडून झटका बसला आहे. भाजपच्या १२ आमदारांच्या निलंबनाच्या आदेशाला सर्वोच्च न्यायालयाने अंतरिम स्थगिती देण्यास नकार दिला आहे. न्यायालयाकडून अंतरिम दिलासा न मिळाल्याने आता आमदारांना चालू अधिवेशनात सहभागी होता येणार नाही. मात्र, न्यायालयाने विधानसभा सचिवांना नोटीस बजावून त्यांची बाजू मांडण्यास सांगितले आहे. 12 BJP MLAs got a setback from the Supreme Court, refused to stay the order related to the speaker’s suspension
वृत्तसंस्था
मुंबई : राज्याच्या विधानसभेतील भाजपच्या निलंबित 12 आमदारांना सर्वोच्च न्यायालयाकडून झटका बसला आहे. भाजपच्या १२ आमदारांच्या निलंबनाच्या आदेशाला सर्वोच्च न्यायालयाने अंतरिम स्थगिती देण्यास नकार दिला आहे. न्यायालयाकडून अंतरिम दिलासा न मिळाल्याने आता आमदारांना चालू अधिवेशनात सहभागी होता येणार नाही. मात्र, न्यायालयाने विधानसभा सचिवांना नोटीस बजावून त्यांची बाजू मांडण्यास सांगितले आहे.
जुलै महिन्यात राज्याच्या पावसाळी अधिवेशनात विधानसभा अध्यक्षांशी गैरवर्तनाचा ठपका ठेवून भाजपच्या १२ आमदारांवर एक वर्षासाठी निलंबनाची कारवाई करण्यात आली होती. दरम्यान, इकडे संसदेतही 12 खासदारांचे निलंबन मागे घेण्याची मागणी करत विरोधी पक्षांनी राज्यसभेतून सभात्याग केला.
या १२ आमदारांचे निलंबन
भाजपच्या १२ आमदारांना तालिका अध्यक्ष (सध्या सभापती पद रिक्त आहे) भास्कर जाधव यांच्याशी गैरवर्तन केल्याच्या आरोपावरून 1 वर्षासाठी निलंबित करण्यात आले होते. अभिमन्यू पवार, अतुल भातखळकर, नारायण कुचे, आशिष शेलार, गिरीश महाजन, संजय कुटे, पराग अळवणी, राम सातपुते, हरीश पिंपळे, जयकुमार रावल, योगेश सागर, कीर्तिकुमार बगाडिया अशी निलंबित करण्यात आलेल्या भाजप आमदारांची नावे आहेत. भाजप आमदारांच्या निलंबनाचा प्रस्ताव संसदीय कामकाज मंत्री अनिल परब यांनी आणला होता. तो आवाजी मतदानाने मान्य करण्यात आला. यानंतर आमदारांनी सभापतींच्या निलंबनाच्या आदेशाविरोधात सर्वोच्च न्यायालयात धाव घेतली होती.
12 BJP MLAs got a setback from the Supreme Court, refused to stay the order related to the speaker’s suspension
महत्त्वाच्या बातम्या
- पुण्यातील १ ली ते ७ वीचे वर्ग १६ डिसेंबरपासून सुरु होणार ; महापौर मुरलीधर मोहोळ यांनी दिली माहिती
- कॅटरिना विकीच्या लग्नातील खास फोटो शूट, कॅटरिनाची साडी बनवायला 40 कारागिरांना 1800 तास लागले
- विजय पर्व समारंभात राजनाथ सिंह यांच्या “या” नम्रतेने शूरवीर सैनिक भारावले!!
- विधान परिषद निवडणूक; नवाब मलिक म्हणतात, भाजपचा घोडेबाजार!!; अरविंद सावंत म्हणतात, आघाडीतल्या विश्वासाला तडा गेला!!
- Karnataka MLC Election Results : कर्नाटक विधान परिषदेतही भाजपची विजयी घोडदौड, 25 पैकी 12 जागांवर विजय, तर काँग्रेस आणि जेडीएसचा असा आहे निकाल