विशेष प्रतिनिधी
मुंबई : हिवाळी अधिवेशनाचा आज अखेरचा दिवस आहे. मुख्यमंत्री अधिवेशनाला उपस्थित राहणार का ? विधानसभा अध्यक्षांची निवडणूक होणार का?निलंबित १२ आमदारांना मतदान करता येणार का? असे प्रश्न उपस्थित होत आहेत. Will the Chief Minister be present today, the last day of the winter session? ; Curiosity for Assembly Speaker election
दरम्यान मुख्यमंत्र्यांची प्रकृती व्यवस्थित असल्याची माहिती आदित्य ठाकरेंसह वेगवेगळ्या शिवसेना नेत्यांनी दिली आहे. त्यामुळे ते उपस्थित राहण्याची शक्यता वाढली आहे.
अधिवेशन आज विविध राजकीय घडामोडींनी गाजण्याची शक्यता आहे. विधानसभा अध्यक्षपद निवडणूक घेण्याचा महाविकास आघाडी सरकारचा निर्धार आहे. त्यासाठी सकाळी 11 पर्यंत राज्यपालांनी उत्तर दिलं नाही तर सहमती आहे, असं समजून निवडणूक घेण्याची तयारी सत्ताधारी महाविकास आघाडीनं केली आहे.
मात्र, त्याचे परिणाम काय होतील ? याचीही चाचपणी सत्ताधारी करत आहेत. त्यामुळे आज अधिवेशनाच्या अखेरच्या दिवशी विधानसभा अध्यक्ष निवडीवरून काय घडामोडी घडत आहेत याची उत्सुकता आहे. तर दुसरीकडे विधानसभा अध्यक्षपदाच्या निवडणुकीत आम्हालाही मतदानाचा अधिकार द्या, अशी मागणी १२ निलंबित भाजप आमदारांनी राज्यपालांकडे केली आहे.
आमचा मतदानाचा हक्का हिरावला जातोय. मतदान करणे अधिकार आहे. त्यामुळे मतदानाचा अधिकार अबाधित ठेवावा, अशी विनंती राज्यपालांकडे केली आहे.