विशेष प्रतिनिधी
मुंबई : Jayant Patil राष्ट्रवादी काँग्रेसचे प्रदेशाध्यक्ष जयंत पाटील यांच्या पक्ष बदलण्याच्या चर्चा गेल्या ८-१० दिवसांपासून सुरू आहेत. याबाबत निर्णय घेण्यासाठी आज (शनिवार, १५ मार्च) सांगलीतील भोसले सभागृहात त्यांच्या निकटच्या कार्यकर्त्यांची बैठक होणार आहे. त्यामध्ये ते अजित पवार गटात जाणार की थेट भाजपमध्ये प्रवेश करणार, यावर चर्चा होईल.Jayant Patil
राजकीय स्थिती बदलतेय
अजित पवारांनी राष्ट्रवादी काँग्रेसमध्ये फूट पाडल्यानंतर जयंत पाटील हे शरद पवार गटाचे महत्त्वाचे नेते बनले. लोकसभा निवडणुकीत त्यांनी पक्षासाठी मोठे योगदान दिले. मात्र, विधानसभा निवडणुकीत पराभव झाल्यानंतर पक्षांतर्गत त्यांची भूमिका कमी झाली. त्यामुळे त्यांना वाटू लागले की त्यांची राजकीय कोंडी झाली आहे. याच कारणामुळे त्यांनी काही कार्यक्रमांमध्ये “माझी गॅरंटी घेऊ नका” असे वक्तव्य केले होते.
शरद पवारांशीही चर्चा
जयंत पाटील आणि उपमुख्यमंत्री देवेंद्र फडणवीस यांचे चांगले संबंध आहेत. त्यामुळे ते भाजपमध्ये जाणार की अजित पवार गटात राहून मंत्रीपद मिळवणार, याचा निर्णय लवकरच स्पष्ट होईल. त्यांनी यासंदर्भात शरद पवारांशीही चर्चा केल्याची माहिती मिळाली आहे.
मुलासाठीही राजकीय गणित
पूर्वी जयंत पाटील यांनी अजित पवारांवर टीका केली होती, पण आता त्यांनी भूमिका मवाळ केली आहे. विशेष म्हणजे, पारंपरिक राजकीय प्रतिस्पर्धी निशिकांत पाटील यांनाही या बैठकीसाठी आमंत्रित करण्यात आले आहे. तसेच, त्यांच्या सुपुत्र हर्षवर्धन पाटील यांच्यासाठीही राजकीय संधी शोधण्याचा प्रयत्न सुरू असल्याचे संकेत मिळत आहेत.
Will Jayant Patil change party? Important meeting in Sangli; Direction will be decided soon
महत्वाच्या बातम्या
- Eknath Shinde काँग्रेसची एकनाथ शिंदेंना मुख्यमंत्रिपदाची ऑफर; अजित पवारांनाही साद, नाना पटोलेंचा प्रस्ताव
- Pawan Kalyan ‘भारताला फक्त दोन नव्हे तर अनेक भाषांची गरज आहे’,
- तामिळनाडूमध्ये १००० कोटींचा मद्य घोटाळा! EDच्या छाप्यांनंतर भाजपने स्टॅलिनला घेरले
- उत्तर भारतीयांना मुलं जन्माला घालण्याखेरीज दुसरे काम नाही; हिंदी द्वेषापोटी तमिळनाडूच्या मंत्र्याचे अनर्गल प्रलाप!!