प्रतिनिधी
नगर : शेवगावमध्ये १४ मे रोजी मध्यरात्री छत्रपती संभाजी महाराज जयंतीनिमित्त निघालेल्या मिरवणुकीत दोन गटात जोरदार दगडफेक झाली. यावेळी जाळपोळ देखील करण्यात आली.Use of minors by certain communities in Shevgaon riots
दोन गटातील वादाचे रुपांतर दंगलीत झाल्यामुळे जमावाला पांगवण्यासाठी पोलिसांना लाठीमार करावा लागला. अनेक दुकानांचे नुकसान झाले. दगडफेकीत ३ पोलीस, गृहरक्षक दलाचे ४ जवान जखमी झाले. तसेच इतर नागरिकही जखमी झाले. या दंगलीवरून सध्या राजकीय वर्तुळात प्रतिक्रिया उमटत आहेत.
शेवगावात झालेल्या दंगलीविषयी भाजप खासदार सुजय विखे पाटील यांनी एक वक्तव्य केले आहे. विशिष्ट लोकांकडून दंगलीत अल्पवयीन मुलांचा वापर केला जातोय, असे वक्तव्य खासदार सुजय विखे पाटील यांनी माध्यमांशी बोलताना केले.
शेवगाव मधील दंगली संदर्भात आम्ही न्यायालयात याचिका दाखल करण्याचा विचार करतोय. काही विशिष्ट लोकांनी दंगली सारखे गुन्हे करण्यासाठी नवी पद्धत सुरू केली आहे. १८ वर्षांपेक्षा कमी वयाची मुले वापरली जात आहेत.
जेणेकरून कायदा त्या विषयावर लवचिक आहे. म्हणून ही लवचिकता काढण्यासाठी वय हे महत्त्वाचे नाही, गुन्हा कोणता आहे. त्याला महत्त्व द्यावे, वयाला नाही, अशा पद्धतीची याचिका येत्या महिन्याभरात आम्ही सर्वोच्च न्यायालयात दाखल करणार आहोत’, असे सुजय विखे पाटील म्हणाले.
Use of minors by certain communities in Shevgaon riots
महत्वाच्या बातम्या
- West Bengal : पूर्व मिदनापूरच्या इगरामध्ये बेकायदेशीर फटाक्यांच्या कारखान्यात स्फोट सहा जणांचा मृत्यू
- सिद्धरामय्या की शिवकुमार??; गांधी परिवारात आई विरुद्ध मुलगा; मल्लिकार्जुन खर्गे पेचात!!
- अमेरिकन शिष्टमंडळाने राजदूत एरिक गारसेट्टींच्या नेतृत्वात मुख्यमंत्री एकनाथ शिंदेंची घेतली भेट
- आयटीआय कंत्राटी निदेशकांचे मानधन आता 25000 रुपये; शिंदे – फडणवीस सरकारचा निर्णय