• Download App
    Nashik Simhastha Kumb नाशिक सिंहस्थ कुंभात आता 'शाही स्नान' नाही तर 'अमृत स्नान' होणार

    नाशिक सिंहस्थ कुंभात आता ‘शाही स्नान’ नाही तर ‘अमृत स्नान’ होणार

    मुख्यमंत्री फडणवीस यांनी केले जाहीर, तारखांचीही केली घोषणा

    विशेष प्रतिनिधी

    नवी दिल्ली : नाशिक सिंहस्थ कुंभात आता ‘शाही स्नान’ ऐवजी ‘अमृत स्नान’ आयोजित केले जणार आहे. ‘शाही स्नान’ ची परंपरा ‘अमृत स्नान’ ने बदलली जाईल. नाशिक-त्र्यंबकेश्वर सिंहस्थ कुंभमेळा ३१ ऑक्टोबर २०२६ रोजी नाशिकमधील त्र्यंबकेश्वर आणि रामकुंड येथे पारंपारिक ध्वजारोहणाने सुरू होईल.

    रविवारी नाशिकमध्ये महाराष्ट्राचे मुख्यमंत्री देवेंद्र फडणवीस यांच्यासोबत आखाडा परिषदेचे साधू-महंत आणि कुंभमेळा आयोजकांच्या बैठकीत हा निर्णय घेण्यात आला. बैठकीदरम्यान, मुख्यमंत्र्यांनी ‘शाही स्नान’ ला ‘अमृत स्नान’ असे नाव द्यावे या महंत राजेंद्रदास महाराजांच्या सूचनेचा स्वीकार केला. या बैठकीत कुंभमेळ्याच्या बहुप्रतिक्षित तारखाही जाहीर करण्यात आल्या.



    प्रयागराजमध्ये नुकत्याच संपलेल्या कुंभमेळ्यात ‘अमृत स्नान’चेही आयोजन करण्यात आले होते हे लक्षात घेण्यासारखे आहे. एएनआय वृत्तसंस्थेनुसार, अखिल भारतीय वैष्णव आखाड्याचे प्रवक्ते महंत भक्तीचरण दास म्हणाले की, ‘शाही स्नान’ची परंपरा मुघल काळात सुरू झाली होती. त्यामुळे आता ही परंपरा बदलली जात आहे. स्नान समारंभ हा शाही वैभवाचे नव्हे तर आध्यात्मिक शिस्तीचे प्रतीक असावा यावर विविध आखाड्यातील संतांनी भर दिला आहे. ‘अमृत स्नान’ हे नाव पौराणिक कथेवरून आले आहे, जिथे नाशिकसह कुंभ स्थळांवर दिव्य अमृताचे थेंब पडले.

    नियोजित कार्यक्रमानुसार, २९ जुलै २०२७ रोजी नाशिकमध्ये ‘नगर प्रदक्षिणा’ होईल. तर पहिले ‘अमृत स्नान’ २ ऑगस्ट २०२७ रोजी होईल. दुसरे अमृत स्नान ३१ ऑगस्ट २०२७ रोजी होईल आणि तिसरे आणि शेवटचे स्नान ११ सप्टेंबर २०२७ रोजी नाशिकमध्ये आणि १२ सप्टेंबर २०२७ रोजी त्र्यंबकेश्वरमध्ये होईल. शेवटचा सिंहस्थ कुंभमेळा २०१५-१६ मध्ये नाशिक आणि त्र्यंबकेश्वरमध्ये आयोजित करण्यात आला होता.

    There will be no more Shahi Snan now at Nashik Simhastha Kumbh there is Amrit Snan

    महत्वाच्या बातम्या

    Related posts

    Jio Adani Partnership : जिओ पंपांवर मिळेल अदानींची CNG; अदानी गॅस स्टेशनवर जिओच्या पेट्रोल-डिझेलची विक्री, ATGL-रिलायन्स BPची भागीदारी

    Eknath Khadse : एकनाथ खडसे म्हणाले- मी आधीही आणीबाणीच्या विरोधात; राष्ट्रवादीमध्ये राहून मी संघाचे काम करतो!

    CM Fadnavis : उद्योग संवाद परिषद; देशातील सर्वात मोठ्या संरक्षण कॉरिडॉरमध्ये संभाजीनगर- CM, यूपी, तामिळनाडूपेक्षाही अधिक गुंतवणूक आणू