विशेष प्रतिनिधी
नाशिक : रामतीर्थ गोदावरी सेवा समितीच्या वतीने गोदावरी मातेची नित्य महाआरती पावसाळ्यातही अखंड सुरू ठेवण्याची परंपरा यंदाही पाळली गेली. काल नाशिकमध्ये सततच्या मुसळधार पावसामुळे गोदावरी नदीला मोठा पूर आला असतानाही ११ समर्पित गोदासेवकांनी पुराच्या पाण्यात उभे राहून महाआरती संपन्न केली.The Maha Aarti of Goddess Godavari was held even in heavy rain
या महाआरतीत ६ युवती गोदासेविका आणि ५ युवक गोदासेवक सहभागी झाले होते. पुराच्या पाण्यात पाय रोवून, मुसळधार पावसात निथळत, कोणताही खंड न पडू देता गोदामातेची पूजा व आरती करण्यात आली. खणा-नारळाने देवीची ओटी भरून महापूजा पूर्णत्वास नेण्यात आली.
विशेष म्हणजे, या प्रतिकूल हवामानातही अनेक भक्तांनी छत्र्या, रेनकोट अशा साधनांमध्ये उभे राहत महाआरतीला उपस्थिती लावली. गोदावरीचा विस्तृत पूर दोन्ही काठांवरून भरभरून वाहत असतानाही ‘सेवा अखंडच’ या समितीच्या ब्रीदवाक्यानुसार सेवा अबाधित ठेवली गेली.
या सेवेमुळे स्थानिक भाविकांमध्येही समाधान व्यक्त होत असून पूरकाळातही अखंड नित्यपूजेची परंपरा पुढील पिढीपर्यंत चालू राहावी, हा रामतीर्थ गोदावरी सेवा समितीचा संकल्प आहे.
The flood came, but the flow of devotion did not stop; The Maha Aarti of Goddess Godavari was held even in heavy rain
महत्वाच्या बातम्या
- संघ + सेवा सहयोग उपक्रमाची 10 वर्षे : निर्मल वारी उपक्रमामुळे वारी मार्गातील गावांमधील अस्वच्छता घटली तब्बल 80 % !!
- ICMR : कोविडनंतर अचानक होणाऱ्या मृत्यूंवर अभ्यास; ICMRचा दावा- लसीशी याचा संबंध नाही
- Delhi : दिल्ली- जुन्या वाहनांसाठी ‘नो-फ्यूल’ आदेश मागे घेण्याची तयारी; मंत्री म्हणाले- प्रदूषण थांबवायला हवे
- Ranvir Shorey : अमराठी दुकानदाराला मारहाण, राक्षस मोकाट फिरत आहेत म्हणत रणवीर शौरीचा मनसेवर संताप