विशेष प्रतिनिधी
कोलकाता : तृणमूल काँग्रेसमधून निलंबित केलेले आमदार हमायून कबीर यांनी आगामी पश्चिम बंगाल विधानसभा निवडणुकांसाठी मोठी राजकीय चाल खेळली आहे. कबीर यांनी जाहीर केले की ते असदुद्दीन ओवेसी यांच्या एआयएमआयएम पक्षासोबत आघाडी करण्याच्या तयारीत आहेत आणि ही आघाडी राज्यातील राजकीय समीकरणे बदलू शकते.
कबीर म्हणाले, “मी एआयएमआयएमसोबत आघाडीची तयारी करत आहे. बंगालमधील अल्पसंख्याकांच्या हक्कांसाठी नवे राजकीय व्यासपीठ तयार करणार आहोत.” त्यांनी दावा केला की, टीएमसीचा पर्याय शोधत असलेल्या मुस्लिम मतदारांसाठी ही आघाडी निर्णायक ठरेल.
हमायून कबीर यांनी स्वतःला आगामी निवडणुकीतील ‘गेम-चेंजर’ म्हणत मोठा राजकीय संदेश दिला. “राज्यात अल्पसंख्याकांना नवीन नेतृत्व हवे आहे. AIMIMसोबतची माझी चर्चा सकारात्मक आहे. लवकरच मोठी घोषणा करणार,” असे ते म्हणाले.
टीएमसी नेतृत्वासोबत मतभेद वाढल्यानंतर कबीर यांना पक्षातून निलंबित करण्यात आले होते. आता त्यांनी AIMIMसोबत हातमिळवणी करून स्वतंत्र राजकीय ओळख मजबूत करण्याची भूमिका घेतली आहे.
पश्चिम बंगालमधील मुस्लिम मतदारांमध्ये AIMIM आपले स्थान निर्माण करण्याचा प्रयत्न करत असून कबीर यांचा पाठिंबा मिळणे हा त्यांच्या दृष्टीने महत्त्वाचा संकेत मानला जात आहे.
राज्यातील राजकीय वातावरण तापत असताना, कबीर–AIMIMची संभाव्य आघाडी ही आगामी निवडणुकांमधील चर्चेचा नवा केंद्रबिंदू ठरू शकते.
Suspended TMC MLA Humayun Kabir Announces Alliance with AIMIM
महत्वाच्या बातम्या
- उपमुख्यमंत्री पद रद्द करा; भाजपवर निशाणा साधताना उद्धव ठाकरेंचे शिंदे + अजितदादांवरच घाव!!
- Pakistan : पाकिस्तानच्या कुरापती सुरूच, अरुणाचलवरील चीनच्या दाव्याला दिला पाठिंबा; भारताने दिले प्रत्युत्तर
- Supreme Court : सुप्रीम कोर्टाने म्हटले- मंदिरातील देणगी ही देवाची मालमत्ता; बँका वाचवण्यासाठी नाही
- समाजाला समानतेकडे नेणारा संविधानाचा प्रकाशपथ; संविधान डिजिटल चित्ररथाचे लोकार्पण