विशेष प्रतिनिधी
नवी दिल्ली : राष्ट्रवादी काँग्रेसच्या अजित पवार गटाला शरद पवार यांचा फोटो वापरण्यास सुप्रीम कोर्टाचे न्या. सूर्यकांत आणि न्या. विश्वनाथन यांनी गुरुवारी मनाई केली आहे. मात्र तरीही फोटो वापरला तर ‘घड्याळ’ हे चिन्ह काढून घेऊ, अशी तंबीही दिली. शिवाय, भविष्यात पवार यांचा फोटो वापरणार नसल्याची लेखी हमी दोन दिवसांत द्यावी, असे अजित पवार यांचे वकील मुकुल रोहतगी आणि मणिंदरसिंग यांना न्यायालयाने सांगितले आहे. Supreme Court warns Ajit Pawar’s group, don’t use Sharad Pawar’s photo
निवडणूक आयोगाने अजित पवार गटाला राष्ट्रवादी पक्ष व घड्याळ चिन्ह दिले आहे. त्याविरोधात शरद पवारांच्या वतीने याचिका दाखल करण्यात आली आहे. दरम्यान, आयोगाने पवार यांच्या गटाला राष्ट्रवादी काँग्रेस – शरदचंद्र पवार हे नाव आणि तुतारी हे चिन्ह दिले आहे. ते लोकसभेपर्यंत कायम ठेवण्याच्या पवारांच्या अर्जावर २२ मार्चला सुनावणी होणार आहे.
पण तत्पूर्वी अॅड. सिंघवी यांनी पवारांचे फोटो वापरण्यास मनाई करावी, असा अर्ज केला. मंत्री छगन भुजबळ हे कार्यकर्त्यांना पवारांचा फोटो वापरण्याबाबत सांगत असल्याचे निदर्शनास आणले.
सुसंस्कृत नेते यशवंतरावांचा फोटो वापरतो : अजित पवार
माध्यमांशी बोलताना उपमुख्यमंत्री अजित पवार म्हणाले, ‘पूर्वी एका जाहीर कार्यक्रमात शरद पवार आम्ही त्यांचे फोटो वापरल्यास कायदेशीर कारवाई करण्याबाबत बोलले होते. तेव्हापासून आम्ही फोटो वापरणे बंद केले. आता आमच्या बॅनरवर सुसंस्कृत नेते यशवंतराव चव्हाण यांचा फोटो असतो.’
Supreme Court warns Ajit Pawar’s group, don’t use Sharad Pawar’s photo
महत्वाच्या बातम्या
- खरगे म्हणाले- काँग्रेसकडे खर्च करण्यासाठी पैसे नाहीत; खाती गोठवली जात आहे, निष्पक्ष निवडणुका कशा होणार?
- अखंड भारताच्या फाळणीच्या वेळी छळ झालेल्या हिंदू, शीख, जैन, बौद्ध, पारशी, खिश्चनांच्या नागरिकतेसाठी CAA आणला!!
- 4 माजी मुख्यमंत्री लोकसभेला उतरवणे भाजपला गेले “सोपे”; पण 2 माजी मुख्यमंत्र्यांच्या मुलांना “टाळणे” काँग्रेसला ठरले “अवघड”!!
- अमेरिकन खासदाराने केले पंतप्रधान मोदींचे कौतुक, ते पुन्हा PM होतील; त्यांच्या नेतृत्वात भारत खूप प्रामाणिक वाटतो