वृत्तसंस्था
नवी दिल्ली : न्यूजक्लिकचे संस्थापक आणि संपादक प्रबीर पुरकायस्थ आणि एचआर प्रमुख अमित चक्रवर्ती यांच्या अटकेबाबत आज सर्वोच्च न्यायालयात सुनावणी झाली. न्यायमूर्ती बीआर गवई आणि न्यायमूर्ती प्रशांत कुमार मिश्रा यांच्या खंडपीठाने याप्रकरणी दिल्ली पोलिसांना नोटीस बजावली आहे. Supreme Court notice to Delhi Police in Newsclick foreign funding case, next hearing on October 30
वास्तविक, प्रबीर आणि अमित यांनी 16 ऑक्टोबरला त्यांच्या अटकेविरोधात सर्वोच्च न्यायालयात याचिका दाखल केली होती. यापूर्वी, 10 ऑक्टोबर रोजी दिल्ली उच्च न्यायालयाने दोघांनाही 10 दिवसांची न्यायालयीन कोठडी सुनावली होती, जी शुक्रवारी 20 ऑक्टोबर रोजी संपत आहे.
पुरकायस्थ आणि अमित यांच्यावर चीनशी संबंधित कंपन्या आणि संस्थांकडून निधी घेऊन चिनी प्रचाराचा प्रसार केल्याचा आरोप आहे. त्यानंतर दिल्ली पोलिसांनी दोघांनाही अटक केली. अटकेबाबत सुप्रीम कोर्टात पुढील सुनावणी 30 ऑक्टोबरला होणार आहे.
सीबीआयसह 5 एजन्सींकडून तपास
सीबीआयसह पाच एजन्सी न्यूजक्लिकच्या विरोधात तपास करत आहेत. प्रथम दिल्ली पोलिसांच्या स्पेशल सेलने एफआयआर नोंदवला होता. त्याआधी दिल्ली पोलिसांची आर्थिक गुन्हे शाखा, अंमलबजावणी संचालनालय (ईडी) आणि आयकर विभाग या प्रकरणाशी संबंधित वेगवेगळ्या प्रकरणांची चौकशी करत होते. केंद्रीय अन्वेषण ब्युरो (सीबीआय) ने न्यूजक्लिक विरुद्ध फॉरेन कॉन्ट्रिब्युशन रेग्युलेशन कायद्याअंतर्गत गुन्हा दाखल केला आहे.
Supreme Court notice to Delhi Police in Newsclick foreign funding case, next hearing on October 30
महत्वाच्या बातम्या
- झारखंडचे माजी मुख्यमंत्री रघुवर दास यांची ओडिशाच्या राज्यपाल पदावर नियुक्ती
- मोदींच्या हस्ते महाराष्ट्रातील ५११ ग्रामीण कौशल्य विकास केंद्रांचे उद्घाटन, प्रत्येक केंद्रात १०० तरुणांना मिळणार प्रशिक्षण
- पवारांचा पॅलेस्टिनींना पाठिंबा; पवार आता सुप्रियांनाच हमासच्या बाजूने लढायला पाठवतील; आसामच्या मुख्यमंत्र्यांचा टोला!!
- WATCH : कर्नाटकात काँग्रेस मंत्र्यांच्या उपस्थितीत हवेत उडवल्या नोटा; भाजपची टीका- जनतेच्या लुटलेल्या पैशांनी