प्रतिनिधी
मुंबई : पत्रकार निखिल वागळे विरुद्ध प्रकाश आंबेडकर यांचे चिरंजीव सुजात आंबेडकर यांच्यातला वाद सोशल मीडियावर रंगून त्याने थेट जातीय वळण धारण केल्यानंतर निखिल वागळेंनी त्यांच्या बाजूने वाद मिटवण्याचे काल जाहीर केले होते. त्यानंतर आज सुजात आंबेडकर यांनी निखिल वागळे यांना वाढदिवसाच्या शुभेच्छा देत आपल्याकडून वाद मिटल्याचे अप्रत्यक्षपणे जाहीर केले. त्याचवेळी त्यांनी निखिल वागळे यांना वंचित बहुजन आघाडीच्या स्वतंत्र राजकारणात सहभागी होण्याचे आवाहन केले.Sujat Ambedkar wishes nikhil wagle a happy birthday, ends his fight against him
वंचित बहुजन आघाडी काँग्रेस राष्ट्रवादीला साथ देत नाही. त्यामुळे वंचितची अप्रत्यक्षपणे भाजपलाच मदत होते, असा आक्षेप घेत निखिल वागळे यांनी वंचित बहुजन आघाडीला काही सल्ले दिले होते. त्यावर वंचित बहुजन आघाडीतूनही अनेक नेत्यांनी निखिल वागळे ट्रोल केले. निखिल वागळे विरुद्ध सुजात आंबेडकर असा वाद सोशल मीडियावर तुफान गाजला. निखिल वागळे यांनी सुजाता आंबेडकर यांना “चिल्लर”, असे संबोधणारे ट्विट केले आणि त्या वादाच्या आगीत तेल पडले. निखिल वागळे यांची ब्राह्मण जात काढण्यापर्यंत अनेकांची मजल गेली. अनेक मान्यवर विचारवंतही सामील झाले. त्यामुळे निखिल वागळे यांना उद्वेग आला आणि त्यांनी आपल्या बाजूने आपण हा वाद थांबवत आहोत असे काल जाहीर केले होते.
त्यानंतर 24 तास उलटल्यानंतर सुजाता आंबेडकर यांनी निखिल वागळे यांचे पत्रकारितेतील योगदान मान्य करून त्यांना वंचित बहुजन आघाडीच्या प्रस्थापित राजकारणाला पर्याय देण्याच्या स्वतंत्र प्रयत्नांना साथ देण्याचे आवाहन केले आहे.
प्रस्थापित मीडियाला पर्याय उभे करण्यात निखिल वागळे हे महत्त्वाचे शिलेदार आहेत आणि राहतील. त्यांनी वंचित बहुजन आघाडीचे स्वतंत्र राजकारण आणि प्रस्थापित पक्षांच्या पंखाखाली न जाता स्वतंत्र संघर्षाला साथ द्यावी, असे आवाहन सुजात आंबेडकर यांनी केले आहे.
Sujat Ambedkar wishes nikhil wagle a happy birthday, ends his fight against him
महत्वाच्या बातम्या
- सत्यपाल मलिकांना मिळालेल्या CBIच्या समन्सवर गृहमंत्री अमित शाहांची प्रतिक्रिया, म्हणाले…
- … ही तर वरवरची मलमपट्टी: गांभीर्य असेल तर आरक्षण मर्यादेविषयी भूमिका स्पष्ट करा! अशोक चव्हाण
- … तेव्हा राहुल गांधींवर गुन्हा दाखल करण्याची मागणी केली होती का?; हिंदु जनजागृती समितीचा सवाल
- अजित पवारांच्या मुख्यमंत्रीपदाच्या इच्छेवर उपमुख्यमंत्री देवेंद्र फडणवीसांची प्रतिक्रिया, म्हणाले…