विशेष प्रतिनिधी
मुंबई : एसटी कर्मचा-यांच्या आंदोलनाचा तिढा काही अद्याप सुटलेला नाही. आझाद मैदानात आंदोलन करणा-या एसटी कर्मचा-यांना शुक्रवारी मध्यरात्री अचानकपणे पोलीसांनी आझाद मैदानातून बाहेर काढले. आमच्यावर लाठीचार्ज केला, असा आरोप कर्मचाऱ्यांनी केला. आता एसटी कर्मचाऱ्यांनी छत्रपती शिवाजी महाराज टर्मिनस अर्थात सीएसएमटी स्थानकात ठिय्या दिला आहे. ST personnel evacuated from Azad Maidan at midnight; Cry of employees at CSMT station !!
सदावर्तेंना अटक
आझाद मैदानावर आंदोलनासाठी बसलेल्या एसटी कर्मचाऱ्यांनी शुक्रवारी अचानकपणे राष्ट्रवादी काँग्रेसचे अध्यक्ष शरद पवार यांच्या सिल्वर ओक येथील निवासस्थानाबाहेर आंदोलन केले. यावेळी आंदोलकांनी दगडफेक आणि चप्पलफेक करत गोंधळ घातला. शरद पवार यांच्या घरावर हल्ला प्रकरणी गावदेवी पोलिसांनी अॅड. गुणरत्ने सदावर्ते यांना शुक्रवारी अटक केली आहे.
तोपर्यंत हलणार नाही
सीएसएमटी स्थानकात शेकडोंच्या संख्येने सध्या एसटी कर्मचा-यांनी ठिय्या मांडला आहे. आमची काही माणसे शुक्रवारपासून गायब आहेत. ती सर्व जोपर्यंत मिळत नाहीत तोपर्यंत इथून हलणार नसल्याची भूमिका एसटी कर्मचा-यांनी घेतली आहे.
आमच्या जीवाला धोका
शरद पवार यांच्या घरावर हल्ला प्रकरणी गावदेवी पोलिसांनी अॅड गुणरत्न सदावर्ते यांना काल अटक केली. यानंतर सदावर्ते यांच्या पत्नी जयश्री पाटील यांनी माझ्या पतीच्या आणि कुटुंबाच्या जीवाला धोका असल्याचं म्हटलं आहे. दिलीप वळसे पाटील आणि शरद पवार यांच्यावर मी गुन्हा दाखल केल्यामुळे शरद पवार हे दबाव तंत्र करत असल्याचा धक्कादायक आरोपही त्यांनी केला आहे.
ST personnel evacuated from Azad Maidan at midnight; Cry of employees at CSMT station !!
महत्त्वाच्या बातम्या
- शरद पवारांवर गुन्हा दाखल केल्याने दबावतंत्र; आमच्या जीवाला धोका; गुणरत्न सदावर्तेंच्या पत्नी जयश्री पाटलांचा आरोप
- भारत एक प्रबळ राष्ट्र ; पाकिस्तानचे पंतप्रधान इम्रान खान यांच्याकडून भारताचे पुन्हा कौतुक
- शरद पवार यांच्या घरावरील हल्ला अजिबात समर्थनीय नाही, एसटी कर्मचाऱ्यांच्या व्यथा , मागण्या योग्यप्रकारे व योग्य व्यासपीठावरच मांडल्या जाव्यात आणि त्या ऐकून घेतल्या जाव्या, देवेंद्र फडणवीस यांचे वक्तव्य
- सार्वभौम लोकशाही प्रजासत्ताकाच्या मुल्यांचे रक्षण करण्यासाठी परकीय योगदान कायद्यात दुरुस्ती गरजेचीच, सर्वोच्च न्यायालयाने कायद्याला दिली मंजुरी
- जे कर्म करतो, ते या जन्मीच फेडावं लागतं, उदयनराजे यांची शरद पवार यांच्यावर टीका