Marijuana Farming : सोलापुरातील एका शेतकऱ्याने जिल्हा प्रशासनाकडे आपल्या शेतात गांजा लागवडीची परवानगी मागितली आहे. बंदी घातलेल्या गांजाला बाजारात चांगला भाव मिळतो, दुसरीकडे इतर कोणत्याही शेतमालाची किंमत निश्चित नाही, शेतातला खर्चही निघेना म्हणून गांजासाठी परवानगी द्यावी असेही या शेतकऱ्याने म्हटले आहे. Solapur Farmer Letter To collector Seeking Permission Of Marijuana Farming
विशेष प्रतिनिधी
सोलापूर : सोलापुरातील एका शेतकऱ्याने जिल्हा प्रशासनाकडे आपल्या शेतात गांजा लागवडीची परवानगी मागितली आहे. बंदी घातलेल्या गांजाला बाजारात चांगला भाव मिळतो, दुसरीकडे इतर कोणत्याही शेतमालाची किंमत निश्चित नाही, शेतातला खर्चही निघेना म्हणून गांजासाठी परवानगी द्यावी असेही या शेतकऱ्याने म्हटले आहे.
जिल्हा प्रशासनाने शेतकऱ्याचा अर्ज पोलिसांना पाठवला असून याला ‘पब्लिसिटी स्टंट’ असे म्हटले आहे. नार्कोटिक ड्रग्ज आणि सायकोट्रॉपिक सब्सटन्स (एनडीपीएस) कायद्याअंतर्गत गांजाची लागवड प्रतिबंधित आहे. याला मारिजुआना असेही म्हणतात.
गांजाच्या शेतीसाठी विनंती
मोहोळ तालुक्यातील शेतकरी अनिल पाटील यांनी बुधवारी सोलापूर जिल्हाधिकाऱ्यांना पाठवलेल्या निवेदनात म्हटले आहे की, कोणत्याही पिकाची निश्चित किंमत नाही, त्यामुळे शेती व्यवसाय तोट्यात चालला आहे. ते म्हणाले की, शेती करणे कठीण होत आहे, पिकाचा खर्चही मिळत नाही. साखर कारखान्यांना विकलेल्या उसाची थकबाकी अद्याप मिळाली नसल्याचा दावाही त्यांनी केला.
दोन एकर जमिनीवर लागवडीची परवानगी मागितली
गांजाला बाजारात चांगला भाव मिळत असल्याचा दावा करत पाटील यांनी आपल्या दोन एकर जमिनीवर लागवड करण्याची परवानगी मागितली आहे. त्यांनी जिल्हा प्रशासनाला 15 सप्टेंबरपर्यंत आपल्या शेतात गांजाची रोपे लावण्याची परवानगी देण्यास सांगितले आहे. उत्तर न मिळाल्यास ते परवानगी आहे असे समजून 16 सप्टेंबरपासून गांजाची लागवड सुरू करणार आहेत. त्यांनी आपल्या अर्जात म्हटले की, जर माझ्यावर गांजा लागवडीसाठी कोणताही गुन्हा दाखल झाला तर त्याला प्रशासन जबाबदार असेल. मोहोळ पोलीस ठाण्याचे वरिष्ठ निरीक्षक अशोक सायकर म्हणाले की, शेतकऱ्याचा अर्ज हा केवळ ‘पब्लिसिटी स्टंट’ आहे. जर त्याने असे कृत्य केले (गांजाची लागवड), तर आम्ही त्याच्यावर गुन्हा दाखल करू.
Solapur Farmer Letter To collector Seeking Permission Of Marijuana Farming
महत्त्वाच्या बातम्या
- Nusrat Jahan : तृणमूलच्या खासदार नुसरत जहां यांना पुत्ररत्न, ‘पती’ निखिल जैन तीन महिन्यांपूर्वी नाकारले होते स्वतचे मूल
- ‘सेना- भाजपच्या भांडणात दोन कोल्ह्यांची मजा’, सदाभाऊ खोत यांची काँग्रेस, राष्ट्रवादीवर कडाडून टीका
- Justice BV Nagarathna Profile : २०२७ मध्ये देशाच्या पहिल्या महिला सरन्यायाधीश बनणार बी. व्ही. नागरत्ना, जाणून घ्या त्यांच्याबद्दल सर्व काही…
- मुंबई महापालिका निवडणुकांआधी काँग्रेसमध्ये संघर्ष पेटला, युवक शाखेच्या कार्याध्यक्षांचा राजीनामा
- सर्वोच्च न्यायालयात नियुक्तीसाठी कॉलेजियमच्या नावांना केंद्राची मान्यता, 3 महिला न्यायाधीशांचा समावेश