आमदारांना कोंडले म्हणणारे मूर्ख, मतदान प्रक्रिया समजावण्यासाठी हॉटेलमध्ये ठेवल्याचा राऊतांचा दावा Shivsena kept its MLAs in five star hotel to voter training program, Claims sanjay raut
प्रतिनिधी
मुंबई : राज्यसभा निवडणुकीसाठी शिवसेना आपल्या आमदारांना मतदानाचे साधेसुधे नाही, तर पंचतारांकित प्रशिक्षण देत आहे. एवढेच नव्हे, तर आमदारांना कोंडले म्हणणारे मूर्ख आहेत. मतदानाची प्रक्रिया समजावण्यासाठी त्यांना हॉटेलमध्ये ठेवले आहे, असा दावा शिवसेना प्रवक्ते संजय राऊत यांनी केला आहे.
राज्यसभा निवडणुकीसाठी शिवसेना – भाजपमध्ये सध्या जोरदार रस्सीखेच सुरू असताना शिवसेनेच्या आमदारांना 3 दिवस मालाडमधील रिट्रीट हॉटेलमध्ये मुक्कामी ठेवण्यात आले आहे. त्यावरून विरोधकांनी शिवसेनेवर जोरदार टीका केली आहे. मुख्यमंत्र्यांना आपल्या आमदारांवर विश्वास नाही का?, असा सवाल विरोधकांनी केला. त्यावर राऊतांनी प्रत्युत्तर दिले आहे.
संजय राऊत म्हणाले की, राज्यसभा निवडणुकीची प्रक्रिया ही तांत्रिक असते. त्यासंदर्भात आमदारांना मार्गदर्शन करण्यासाठी त्यांना हॉटेलमध्ये ठेवण्यात आले आहे. मात्र, त्यावरून शिवसेनेने आमदारांना कोंडले, असे म्हणणारे मूर्ख आहेत. राष्ट्रवादी काँग्रेस, काँग्रेस आणि भाजपने देखील आपल्या आमदारांना हॉटेलमध्ये ठेवले आहे. त्यावर प्रश्नचिन्ह का उपस्थित केला जात नाही?, असा सवालही त्यांनी केला.
शिवसेनेच्या दोन्ही जागा निवडून येतील राऊत म्हणाले, शिवसेना पक्षप्रमुख व मुख्यमंत्री उद्धव ठाकरे यांचा आपल्या पक्षातील आमदारांवर पूर्ण विश्वास आहे. राज्यसभा निवडणुकीत शिवसेनेच्या दोन्ही जागा निवडून येतील. तसेच, महाविकास आघाडीच्या चारही जागा निवडून येतील, असा दावा त्यांनी केला.
– क्रॉस व्होटिंग होणार नाही
राऊत म्हणाले, राज्यसभा निवडणुकीसाठी आमदारांना गुप्त मतदान करता येत नाही. आपण कोणाला मतदान करतोय, हे दाखवूनच त्यांना मतदान करावे लागते. त्यामुळे या निवडणुकीत क्रॉस व्होटिंग होणार नाही. संख्याबळामुळे शिवसेना, राष्ट्रवादी काँग्रेस आणि काँग्रेसचे सर्व आमदार आघाडीच्या उमेदवारांना जिंकून आणतील, असा दावा त्यांनी केला.
Shivsena kept its MLAs in five star hotel to voter training program, Claims sanjay raut
महत्वाच्या बातम्या
- युरिया उपलब्धतेवर केंद्राचा खुलासा : केंद्रीय मंत्री मांडविया म्हणाले- देशात युरियाचा पुरेसा साठा, डिसेंबरपर्यंत आयात करण्याची गरज नाही
- Agni 4 Missile : भारताने केली अग्नी 4 बॅलेस्टिक क्षेपणास्त्राची यशस्वी चाचणी, 4000 किमी अंतरापर्यंत मारा करण्याची क्षमता
- रेल्वे तिकीट बुकिंगच्या नियमात बदल : आधार लिंक केलेले IRCTC युझर्स एका महिन्यात 24 तिकिटे बुक करू शकतील, जाणून घ्या प्रोसेस
- अपक्ष, छोट्या पक्षांकडून कोंडीने शिवसेनेची दमछाक; ठाकरे – पवारांचा त्यावर शक्तिप्रदर्शनाचा बुस्टर डोस!!