• Download App
    Shivaji Sawant

    Shivaji Sawant : शिवाजी सावंतांचा भाजपा प्रवेश निश्चित !

    विशेष प्रतिनिधि 

    सोलापूर : स्थानिक स्वराज्य संस्थांच्या निवडणुकीच्या पार्श्वभूमीवर राज्यातील राजकारण चांगलच तापलं आहे. अनेक राजकीय घडामोडी आणि पक्षप्रवेश होत आहेत. अशातच सोलापूरात भाजपकडून शिवसेना शिंदे गटाला मोठा धक्का देण्यात आला आहे. Shivaji Sawant



    माजी मंत्री आणि शिवसेना आमदार तानाजी सावंत यांच्या भावाने शिंदेंच्या शिवसेनेला राम राम ठोकला आहे. शिंदे गटाचे संपर्क प्रमुख शिवाजी सावंत आणि माजी उपमहापौर दिलीप कोल्हे लवकरच आपल्या गटासह भाजपात प्रवेश करणार आहेत. शिवसेना शिंदे गटाचे आमदार टणजी सावंत हे महायुटी सरकार मध्ये मंत्री राहिलेहॉटे. इतकंच नाही तर शिवसेनेतील बंडामध्येही त्यांचा मोठा सहभाग होता. मात्र विधानसभा निवडणुकीनंतर त्यांना मंत्रिपदाची संधि न देण्यात आल्याने त्यांनी त्यांची नाराजी अनेक वेळा जाहीर देखील केली आहे. या अधिवेशनातही त्यांचा सक्रिय सहभाग दिसला नव्हता. मात्र आता त्यांच्या भावानेच शिवसेनेला राम राम केला आहे.

    शिवाजी सावंत हे शिवसेना शिंदे गटाचे आमदार तानाजी सावंत यांचे बंधु असले तरी त्यांच्यावर सोलापूर जिल्हा संपर्कप्रमुख पदाची जबाबदारी देखील सोपवण्यात आली होती. त्यामुळे आता मुळातच शिंदेंच्या शिवसेनेचं संख्याबळ कमी असलेल्या किंवा एकही आमदार नसलेल्या सोलापूर जिल्ह्यात आगामी स्थानिक स्वराज्य संस्थांच्या निवडणुकीच्या पार्श्वभूमीवर शिंदे गटाला चांगलाच धक्का बसला आहे. Shivaji Sawant

    तानाजी सावंत हे सोलापूर जिल्ह्याचे संपर्कप्रमुख म्हणून काम पाहत होते तर, दिलीप कोल्हे हे देखील सोलापूरचे माजी उपमहापौर राहिलेले आहेत. पक्षांतर्गत राजकारणाला कंटाळून शिवाजी सावंत आणि दिलीप कोल्हे या दोघांनी काही दिवसांपूर्वीच राजीनामा दिला होता. मात्र, आता येत्या दोन दिवसांत आपल्या समर्थकांसाह हे दोन्ही पदाधिकारी व नेते भाजपामध्ये प्रवेश करणार आहेत. मुख्यमंत्री देवेंद्र फडणवीस यांच्या उपस्थितीत दोन दिवसांत शिवाजी सावंत, माजी महापौर दिलीप कोल्हे यांच्यासह शिवसेना पदाधिकारी, युवसेना, महिला आघाडीचे पदाधिकारी भाजपमध्ये प्रवेश करणार आहेत. शिवसेना शिंदे गटाला सोलापूर जिल्ह्यात अंतर्गत गटबाजीचा मोठा फटका बसला आहे. त्यामुळे आगामी सोलापूर महानगरपालिका, पंचायत आणि झेडपी निवडणुकीच्या पार्श्वभूमीवर शिंदे गटाला चांगली रणनीती आखावी लागणार आहे. Shivaji Sawant

    दरम्यान, शिवसेना शिंदे गटाचे जिल्हाप्रमुख अमोल शिंदे यांनी भाजपामध्ये प्रवेश करणाऱ्या पदाधिकाऱ्यांना खडे बोल सुनावले आहेत. ‘भाजपामध्ये प्रवेश करणाऱ्या सगळ्या पदाधिकाऱ्यांचा सत्कार, दिल्या घरी सुखी रहा’ अशा शब्दात त्यांनी तानाजी सावंत व इतर पदाधिकाऱ्यांना चांगलाच टोला लगावला आहे. तसेच, शिवाजी सावंत आणि त्यांच्यासोबत जाणाऱ्या पदाधिकाऱ्यांनी वैयक्तिक निर्णय घेतल्याच स्पष्टीकरण जिल्हाप्रमुख अमोल शिंदे यांच्याकडून देण्यात आलं आहे.

    Shivaji Sawant’s admission to BJP is certain!

    महत्वाच्या बातम्या

    Related posts

    कर्करोगाच्या उपचारासाठी फडणवीस सरकारचे सर्व समावेशक धोरण जाहीर; त्रिस्तरीय समग्र कर्करोग उपचार सेवा निश्चित

    Owaisi : असदुद्दीन ओवैसी म्हणाले- “फक्त पोस्टर नको, मोहम्मद यांचे विचारही मनात ठेवा”

    Udayanraje Bhosale : खासदार उदयनराजे भोसले यांचा ऐतिहासिक निर्णय- साताऱ्याचा शाही दसरा यंदा साधेपणाने; उत्सवाचा खर्च पूरग्रस्तांच्या मदतीसाठी देणार