विशेष प्रतिनिधी
नागपूर : नागपूर दौऱ्यात संजय राऊत यांनी शरद पवार गटाचे नेते अनिल देशमुख यांची भेट घेतली. ऑर्थर राेड जेलमधील आठवणींना उजाळा दिला. किती कठीण काळ साेबत घालविला हे सांगितले. मात्र, आता राऊत आणि देशमुख यांची भेट वादाच्या भाेवऱ्यात सापडली आहे. राऊत आणि देशमुख यांच्यासाेबत गाैतम भटकर हा कुख्यात गुंड जेवण करत असल्याचे फाेटाे त्यांनी समाज माध्यमांवर शेअर केले आहेत.
भारतीय जनता पक्षाचे नेते आणि माजी खासदार निलेश राणे यांनी हे फाेटाे शेअर करताना म्हटले आहे की, हे आहेत राज्याचे माजी गृहमंत्री अनिल देशमुख आणि महाराष्ट्राचा भोंगा संज्या (संजय राऊत). दोघेही बेलवर म्हणजे जामीनावर बाहेर आहेत. नागपुरात जेवणाचा आनंद घेत आहेत. हरकत नाही.
पण बेलवरचे हे दोन्ही आरोपी कुणासोबत जेवतात तेही पहा. गौतम भटकर सोबत आहे.हा भटकर कुख्यात संतोष आंबेकर टोळीचा म्होरक्या. या भटकरवर मोक्का सुद्धा लागला, बलात्कार केला आणि त्याच तरुणीसोबत लग्न करून सुटला. खंडणीचे तर कित्येक गुन्हे त्याच्यावर आहेत. आता अशा गुन्हेगारांसोबत रहाल तर जेलमध्ये जावेच लागणार.
मग भाषणात कशाला सांगता नागपूरच्या माणसामुळे आम्हाला जेलमध्ये जावे लागले! जैसी करनी वैसी भरनी!
Raut – Deshmukh dinner with a notorious gangster, photos ! Shared by Nilesh Rane
महत्वाच्या बातम्या
- Rakesh Pal : भारतीय तटरक्षक दलाचे महासंचालक राकेश पाल यांचे चेन्नईत निधन
- Ladki Bahin Yojna : लाडकी बहीण योजनेवरून विरोधकांची खुसपटे; पण वरचढ योजनेची तोड का न सापडे??
- Champai Soren : झारखंडच्या माजी मुख्यमंत्री चंपाई सोरेन यांचा भाजपमध्ये प्रवेश!
- Sukanta Majumdar : ममतांच्या राजीनाम्याच्या मागणीसाठी आंदोलन सुरूच राहणार ; सुकांता मजुमदार