Raj Kundra Pornography Case : मुंबई पोलिसांच्या चौकशीनंतर आता अंमलबजावणी संचालनालय (ईडी) राज कुंद्रावरच्या व्यवहारांची कडक चौकशी करण्याची तयारी करत आहे. ईडी कुंद्राविरोधात मनी लॉन्ड्रिंग अॅण्ड फॉरेन एक्सचेंज मॅनेजमेंट अॅक्ट (फेमा) अंतर्गत 26 जुलैनंतर कधीही गुन्हा दाखल करण्याची शक्यता आहे. प्रोटोकॉलनुसार मुंबई पोलीस ईडीला फॉरेन एक्स्चेंज उल्लंघनासह आर्थिक अनियमिततेची चौकशी करण्यास सांगणार आहे. Raj Kundra Pornography Case Shilpa shetty Raj kundra Joint Bank Account Raj Kundra could Be Charged Under Money Laundering And Foreign Exchange Violation Acts By ED
विशेष प्रतिनिधी
मुंबई : मुंबई पोलिसांच्या चौकशीनंतर आता अंमलबजावणी संचालनालय (ईडी) राज कुंद्रावरच्या व्यवहारांची कडक चौकशी करण्याची तयारी करत आहे. ईडी कुंद्राविरोधात मनी लॉन्ड्रिंग अॅण्ड फॉरेन एक्सचेंज मॅनेजमेंट अॅक्ट (फेमा) अंतर्गत 26 जुलैनंतर कधीही गुन्हा दाखल करण्याची शक्यता आहे. प्रोटोकॉलनुसार मुंबई पोलीस ईडीला फॉरेन एक्स्चेंज उल्लंघनासह आर्थिक अनियमिततेची चौकशी करण्यास सांगणार आहे.
PMLA आणि FEMA अंतर्गत समन्स
गुन्हा नोंदविल्यानंतर ईडी आपला तपास सुरू करण्यापूर्वी मुंबई पोलिसांकडून एफआयआरची प्रत घेईल. चौकशी करण्यापूर्वी ईडी कुंद्राविरोधात मनी लाँड्रिंग आणि फेमाअंतर्गत समन्स बजावू शकते. पॉर्न चित्रपट बनवण्यासाठी आणि अ‍ॅप्सच्या माध्यमातून प्रसारासाठी राज कुंद्राला पोलीस कोठडीत देण्यात आले आहे. जामीन अर्जाच्या सुनावणीवेळी कुंद्राच्या कोठडीत 27 जुलैपर्यंत वाढ करण्यात आली आहे.
शिल्पा शेट्टीचीही चौकशी, मुंबई पोलिसांकडून क्लीन चिटही मिळाली
शुक्रवारी शिल्पाला गुन्हे शाखेच्या अधिकाऱ्यांनी संयुक्त खात्यातून केलेल्या व्यवहारांबद्दल विचारपूस केली. तिच्या घराचीही झडती घेण्यात आली.
शिल्पाला जवळपास 20-25 प्रश्न विचारले गेले होते आणि त्यापैकी बहुतेक फॉरेन एक्सचेंजबद्दल होते. या जोडप्याचे राष्ट्रीयकृत बँकेत संयुक्त खाते आहे.
एका अधिकाऱ्याने नाव न छापण्याच्या अटीवर सांगितले की, त्या खात्यातील निधी परदेशातून बर्‍याच मार्गांनी आला आहे. याची तपासणी केली गेली असून आम्ही फॉरेन्सिक तज्ज्ञांचीही मदत घेत आहोत.
मात्र, शिल्पा पॉर्न रॅकेटमध्ये सहभागी असल्याचा पुरावा मिळालेला नसल्यामुळे मुंबई पोलिसांनी शिल्पाला क्लीन चिट दिली असल्याचे सांगण्यात आले आहे.
तपासात धक्कादायक खुलासे
शिल्पाच्या खात्यात आफ्रिका आणि लंडनमधून मोठी रक्कम वर्ग झाल्याचे तपासात समोर आले आहे. प्राप्तिकर विभागाकडून ही माहिती लपविण्यात आली होती.
कुंद्राविरुद्ध क्रिकेट सट्टेबाजीचे पुरावे सापडले आहेत. शिल्पाच्या खात्यातही काही पैसे ट्रान्सफर करण्यात आले. सूत्रांच्या माहितीनुसार सट्टेबाजीच्या वेळी बर्‍याच वेळा अभिनेत्रीचे बँक खाते वापरले जात असे.
मुंबई पोलिसांचा असा विश्वास आहे की, शिल्पाला कुंद्राच्या सर्व व्यवसायाविषयी आणि इतर संबंधित गोष्टींची पूर्ण माहिती होती, परंतु आता ती पतीला वाचवण्यासाठी यास नकार देत आहे.
Raj Kundra Pornography Case Shilpa shetty Raj kundra Joint Bank Account Raj Kundra could Be Charged Under Money Laundering And Foreign Exchange Violation Acts By ED
महत्त्वाच्या बातम्या
- गल्लत गोल्ड मेडलची : प्रिया मलिकने वर्ल्ड कॅडेट रेसलिंग चॅम्पियनशिपमध्ये जिंकलं सुवर्ण, लोकांना वाटले ऑलिम्पिक गोल्ड
- मल्ल्याचे प्रत्यार्पण : परराष्ट्र सचिव शृंगला म्हणाले – ब्रिटनने दिले आश्वासन, पळपुटा मल्ल्या परत येण्याची आशा वाढली
- जिनपिंग यांची तिबेट भेट : चिनी राष्ट्रपतींनी सैन्याच्या तयारीचा आढावा घेतला, युद्धाच्या तयारीवर केले हे वक्तव्य
- भारतीय रेल्वेने 200 टन लिक्विड मेडिकल ऑक्सिजन बांगलादेशला पाठविला, जीवनरक्षक गॅस प्रथमच देशाबाहेर पाठविला..
- टोकियो ऑलिम्पिक : मणिपूर सरकार मीराबाईंना एक कोटी रुपयांची देणार भेट, ऑलम्पिकच्या पहिल्याच दिवशी पदक जिंकण्याचा ही मिळवलाय मान