कल्याणीनगर भागात घडलेल्या या भीषण अपघातात दोन अभियंत्यांचा मृत्यू झाला होता. Pune Porsche Accident Sessions court grants bail to minor accuseds father
विशेष प्रतिनिधी
नवी दिल्ली: पुणे पोर्श कार अपघातात सहभागी असलेल्या किशोरचे वडील विशाल अगरवाल यांना न्यायालयाने जामीन मंजूर केला आहे. किशोरने १९ मे रोजी पुण्यातील कल्याणीनगर येथे पोर्श कार भरधाव चालवून दोन अभियंत्यांना चिरडले होते. ज्यांचा जागीच मृत्यू झाला. मीडिया रिपोर्ट्सनुसार, २१ मे रोजी अटक करण्यात आलेल्या अगरवालला बाल न्याय कायद्याशी संबंधित एका प्रकरणात जामीन मंजूर करण्यात आला होता. रिॲलिटी फर्म ब्रह्मा ग्रुपच्या मालकावर मोटार वाहन कायदा (MVA) आणि बाल न्याय कायदा (JJA) च्या कलमांतर्गत ‘पालक म्हणून कर्तव्य बजावण्यात अयशस्वी’ म्हणून गुन्हा दाखल करण्यात आला.
या वर्षी मार्चमध्ये मुलासाठी विकत घेतलेली पोर्श कार नोंदणीकृत नसल्याचे आढळून आल्यानंतर पोलिसांनी कारवाई केली कारण त्याने कारवर 44 लाखांचा रोड टॅक्स भरला नव्हता. अल्पवयीन मुलाकडे वाहन चालविण्याचा परवाना नव्हता. मध्य प्रदेशातील दोन सॉफ्टवेअर अभियंता अनिश अवडिया आणि अश्विनी कोस्टा यांचा 19 मे रोजी पहाटे पुण्यातील कल्याणी नगर येथे एका 17 वर्षीय किशोरवयीन मुलाने भरधाव पोर्श कार चालवून धडक दिल्याने मृत्यू झाला होता.
14 जून रोजी पुणे कोर्टाने तरुणाच्या पालकांना आणि अन्य एका आरोपीला 14 दिवसांची न्यायालयीन कोठडी सुनावली होती. विशाल अगरवाल, शिवानी अगरवाल आणि अशपाक मकंदर हे अपघाताच्या वेळी तो दारूच्या नशेत नव्हता हे सिद्ध करण्यासाठी किशोरच्या रक्ताचे नमुने बदलल्याच्या आरोपाखाली चौकशीला सामोरे जात आहे.
Pune Porsche Accident Sessions court grants bail to minor accuseds father
महत्वाच्या बातम्या
- योग दिन 2024: भारतासह जगभरात योग दिवस साजरा करण्यास सुरुवात!
- सभासद शेतीच्या कामात व्यस्त, महाराष्ट्रात 8305 सहकारी संस्थांची निवडणूक लांबणीवर!!
- पंतप्रधान मोदींनी श्रीनगरमध्ये केला योगाभ्यास; म्हणाले, आता जगाचे…
- योगाने जग व्यापले, अमेरिकेतही योग दिनाचा उत्साह; न्यूयॉर्कच्या टाइम्स स्क्वेअरमध्ये हजारो लोकांनी केला योगा