विशेष प्रतिनिधी
बीड :Suresh Dhas कोणत्याही महिलेचा अवमान होईल असा एकही शब्द मी बोललेलो नाही. जर त्यात त्यांना काही अवमानकारक वाटलं, तर त्यांनी महिला आयोगाकडे जावं. प्राजक्ताताईंनी ठरवलं तर माझी काही अडचण नाही, असे आव्हान आमदार सुरेश धस यांनी दिले आहे.Prajakta Mali
सुरेश धस यांनी धनंजय मुंडे, वाल्मिक कराड यांना लक्ष्य करतानाच प्राजक्ता माळीसह रश्मिका मंदाना, सपना चौधरी यांचीही नावं घेतली आहेत. अवैधरीत्या जमिनी बळकावून त्या पैशातून इव्हेंट मॅनेजमेंट केलं जात असल्याचा दावा सुरेश धस यांनी केला आहे.
विटभट्ट्या, जमीन बळकावून त्यावर अवैध बांधकाम करून प्रचंड पैसा मिळवला जात आहे. त्यातून इव्हेंट मॅनेजमेंट केले जाते. यासाठी सपना चौधरी, रश्मिका मंदाना, प्राजक्ता माळी यांना इथे आणले जाते”, असं विधान धस यांनी केले होते. जर कुणाला चित्रपट काढायचा असेल तर या अशा मोठ्या विभूतींवर काढता येईल. प्राजक्ताताई माळी सुद्धा आमच्या परळीत येतात. परळीचा हाही एक पॅटर्न आहे, असे ते म्हणाले होते. या प्रकरणात नाव येत असल्याचा मुद्दा चर्चेत आल्यामुळे अभिनेत्री प्राजक्ता माळी महिला आयोगात तक्रार दाखल करणार असल्याची चर्चा सुरू झाली आहे.
यासंदर्भात सुरेश धस म्हणाले,
मी रश्मिका मंदाना, प्राजक्ताताई, सपना चौधरी यांची फक्त नावं घेतली. का घेतली? आता मराठवाड्यात प्रचंड पाऊस पडला. सगळ्या शेतकऱ्यांची पिकं पाण्याखाली गेली आणि तुम्ही कृषीमंत्री असून तिकडे रश्मिका मंदानांचा कार्यक्रम घेता? तुम्हाला कितपत योग्य वाटतं हे? त्यावर टीका झाली. राजू शेट्टीही इथे येऊन गेले. त्यांनीही टीका केली. धनंजय मुंडेंना कोणत्याच गोष्टीचं गांभीर्य राहिलेलं नाही.
सुरेश धसांविरोधात प्राजक्ता माळी महिला आयोगात तक्रार दाखल करणार असल्याची चर्चा सुरू झाली आहे. त्यावर सुरेश धस यांनी भूमिका मांडली आहे. “कोणत्याही महिलेचा अवमान होईल असा एकही शब्द मी बोललेलो नाही. त्यांनी माझी प्रतिक्रिया पुन्हा एकदा बघावी. जर त्यात त्यांना काही अवमानकारक वाटलं, तर त्यांनी महिला आयोगाकडे जावं. बाबासाहेब आंबेडकरांनी आपल्या सगळ्यांना अभिव्यक्ती स्वातंत्र्य दिलं आहे. त्यानंतरही प्राजक्ताताईंनी ठरवलं तर माझी काही अडचण नाही. मी त्यांचा महाराष्ट्राची हास्यजत्रा कार्यक्रम आवडीने पाहात असतो. मनात असं असतं की एक चांगली मराठी मुलगी प्रगती करतेय, बरं वाटतं. त्यांनी जर तक्रार केली, तर मी त्याला सामोरा जाईन. मला काहीच अडचण नाही. मी तर त्यांचा उल्लेख ‘प्राजक्ता ताई’ असा केला आहे.
Prajakta Mali should go to the Women’s Commission, Suresh Dhas’s challenge
महत्वाच्या बातम्या
- Abdul Rehman Makki : मुंबई 26/11 हल्ल्याचा कट रचणारा अब्दुल रहमान मक्की याचे निधन
- Manmohan Singh मनमोहन सिंग यांचा अपमान करणाऱ्या नवाज शरीफ यांना मोदींनी दाखविली होती ‘औकात’
- Manmohan Singh : शिष्याचा सन्मान करायची “पश्चातबुद्धी” गुरूचा अपमान कसा भरून काढेल??
- Indian Economy : पुढील आर्थिक वर्षात भारतीय अर्थव्यवस्था 6.5% दराने वाढणार; दुसऱ्या तिमाहीत विकास दर 21 महिन्यांच्या नीचांकी पातळीवर