वृत्तसंस्था
ठाणे : ठाण्यातील पेमेंट गेटवे सेवा कंपनीवर सायबर टोळीने हल्ला केला आहे. कंपनीचे खाते हॅक करून विविध बँक खात्यांमधून 16 हजार 180 कोटी रुपयांहून अधिक रक्कम काढण्यात आली आहे.Payment Gateway Hack; Cyber thugs defraud over Rs 16,180 crore by hacking account of company in Thane
नौपाडा पोलीस ठाण्याच्या अधिकाऱ्याने सांगितले की, ही फसवणूक बऱ्याच दिवसांपासून सुरू होती. एप्रिल 2023 मध्ये कंपनीचे पेमेंट गेटवे खाते हॅक करून 25 कोटी रुपये काढल्याबद्दल ठाणे शहरातील श्रीनगर पोलिस स्टेशनमध्ये तक्रार दाखल केल्यानंतर हे प्रकरण उघडकीस आले आहे.
पोलिसांनी तपास केला असता, गुन्हेगारांनी कंपनीच्या विविध खात्यांमधून 16,180 कोटींहून अधिक रक्कम काढल्याचे निष्पन्न झाले.
या घटनेनंतर पोलिसांनी संजय सिंग, अमोल आंधळे ऊर्फ अमन, केदार ऊर्फ समीर दिघे, जितेंद्र पांडे आणि आणखी एका अनोळखी व्यक्तीविरुद्ध पोलीस ठाण्यात फसवणूक, बनावट कागदपत्रे आणि माहिती तंत्रज्ञान कायद्यान्वये गुन्हा दाखल केला. अद्याप कोणालाही अटक करण्यात आली नसल्याचे पोलिसांनी सांगितले.
एफआयआरनुसार, आरोपी जितेंद्र पांडे याने यापूर्वी 8 ते 10 वर्षे बँकांमध्ये रिलेशनशिप आणि सेल्स मॅनेजर म्हणून काम केले होते. पोलिसांना संशय आहे की या मोठ्या रॅकेटमध्ये इतर अनेक जणही असू शकतात, हा प्रकार बऱ्याच काळापासून सुरू असावा आणि अनेक कंपन्या आणि व्यक्तींवर याचा प्रभाव पडलेला असू शकतो.
हजारो बँक खाती प्रभावित होऊ शकतात
हा गुन्हा हजारो बँक खात्यांमध्ये पसरलेला असून इतर अनेक खात्यांमध्ये पैसे ट्रान्सफर झाल्याचा पोलिसांना संशय आहे. तपास पथकाने आरोपींकडून अनेक बनावट कागदपत्रे जप्त केली आहेत.
Payment Gateway Hack; Cyber thugs defraud over Rs 16,180 crore by hacking account of company in ThanePayment Gateway Hack; Cyber thugs defraud over Rs 16,180 crore by hacking account of company in Thane
महत्वाच्या बातम्या
- न्यूजक्लिकप्रकरणी प्रबीर-अमित यांच्या याचिकेवर HCचा निर्णय राखीव; UAPA अंतर्गत झाली अटक
- WATCH : चीननेच घडवली अतिरेकी निज्जरची हत्या, अमेरिकेतील मानवाधिकार कार्यकर्त्यांच्या दाव्याने खळबळ
- छत्तीसगडसाठी भाजपने जाहीर केली उमेदवारांची दुसरी यादी; तीन खासदारांना तिकीट
- परळी वैजनाथ, घृष्णेश्वर, सप्तश्रृंगी गडासाठी शिंदे – फडणवीस सरकारचा 531 कोटींचा तीर्थक्षेत्र विकास आराखडा!!