प्रतिनिधी
ठाणे : उपमुख्यमंत्री देवेंद्र फडणवीस आणि राष्ट्रवादी काँग्रेसचे अध्यक्ष शरद पवार यांच्यात 2019 च्या सरकार स्थापनेवरून चाललेल्या राजकीय जुगलबंदीत मुख्यमंत्री एकनाथ शिंदे यांनी उडी घेऊन शरद पवारांना टोला लगावला आहे. भले शरद पवार हे देवेंद्र फडणवीस यांना क्लीन बोल्ड केले, असे म्हणत असतील पण प्रत्यक्षात पवारांनी अजितदादांना क्लीन बोल्ड केले, असा टोला शिंदेंनी पवारांना लगावला आहे.Pawar clean bowled Ajitdad and not Fadnavis
शिंदे फडणवीस सरकारला एक वर्ष पूर्ण झाले त्यावरून अजित पवारांनी सरकारची कामगिरी चांगली नसल्याचा दावा केला. अजितदादांना प्रत्युत्तर देताना शिंदे म्हणाले, अजितदादा विरोधी पक्ष नेते आहेत. त्यांनी सरकारला चांगले म्हणणे अपेक्षित आहे का? पण एवढे असूनही अजितदादा हे काही मनापासून बोलत नाहीत.
कारण त्यांना शरद पवारांनी 2019 मध्ये काय केले हे माहिती आहे. शरद पवार हे देवेंद्र फडणवीस यांना आपण क्लीन बोल्ड केले, असे म्हणत असले तरी प्रत्यक्षात त्यांनी अजितदादांनाच क्लीन बोल्ड केले. त्यामुळे अजितदादाच तिथे नाराज आहेत, असा टोला एकनाथ शिंदे यांनी लगावला.
मंत्रिमंडळाचा विस्तार लवकरच होईल. या संदर्भात शिवसेना आणि भाजपच्या दोन्ही वरिष्ठ नेत्यांशी चर्चा सुरू आहे. लवकरच चांगली बातमी मिळेल, असेही एकनाथ शिंदे म्हणाले
Pawar clean bowled Ajitdad and not Fadnavis
महत्वाच्या बातम्या
- शरद पवार किंग मेकर नव्हे किंग ब्रेकर, ते सरकारे बनवण्यापेक्षा तोडण्यात माहीर; फडणवीसांचा प्रहार
- “ज्यांच्यामुळे इतकी वर्षे मुख्यमंत्री राहिलात, त्यांचा…” बिहारमध्ये अमित शाहांचा नितीश कुमारांवर निशाणा!
- पवारांनी मला नव्हे, पुतण्याला क्लीन बोल्ड केले, माझ्यामुळे ते अर्धसत्य तरी बोलले; फडणवीसांचा तिखट वार!!
- तामिळनाडू घटनात्मक संघर्ष; तुरुंगवासी मंत्री सेंथिल बालाजींना राज्यपालांनी हटविले; संतप्त मुख्यमंत्री जाणार कोर्टात!!