Pankaja Munde : दिवंगत लोकनेते गोपीनाथ मुंडे यांच्या जयंतीनिमित्त भाजपा नेत्या पंकजा मुंडे यांनी सेवा संकल्प केला आहे. याच पार्श्वभूमीवर पंकजा मुंडे यांनी स्वतः रक्तदान करून या सप्ताहाची सुरुवात केली. गोपीनाथ मुंडे यांचं समाधीस्थळ असलेल्या गोपीनाथ गडावरून विविध सामाजिक उपक्रमाचं आयोजन करण्यात आले होते. Pankaja Munde Visits Sugarcane Workers Families On Gopinath Munde Birth Anniversary
प्रतिनिधी
बीड : दिवंगत लोकनेते गोपीनाथ मुंडे यांच्या जयंतीनिमित्त भाजपा नेत्या पंकजा मुंडे यांनी सेवा संकल्प केला आहे. याच पार्श्वभूमीवर पंकजा मुंडे यांनी स्वतः रक्तदान करून या सप्ताहाची सुरुवात केली. गोपीनाथ मुंडे यांचं समाधीस्थळ असलेल्या गोपीनाथ गडावरून विविध सामाजिक उपक्रमाचं आयोजन करण्यात आले होते.
वैद्यनाथ साखर कारखान्याचा गाळप हंगामाची सुरुवात करून या कार्यक्रमाची सुरुवात करण्यात आली. त्यानंतर पंकजा मुंडे या गोपीनाथ गडावर नतमस्तक झाल्या, आजच्या जयंतीनिमित्त सकाळपासूनच मुंडे समर्थकांनी गर्दी केली होती. फुलांच्या आरासीने समाधी स्थळ सजविण्यात आले. गत दोन वर्षे सलग कोविड मुळे कार्यक्रम रद्द झाले होते. परंतु यंदा काही अंशी सूट दिल्याने मोजक्याच मान्यवरांच्या उपस्थितीत सामाजिक उपक्रमाची सुरुवात झाली. गोवर्धन हिवरा या शिवारात जाऊन पंकजा मुंडे यांनी गोपीनाथ मुंडे यांची जयंती साजरी केली. यावेळी ऊसतोड कामगारांच्या व्यथा जाणून घेत त्यांच्या बरोबर जेवणाचा आस्वाद घेतला. तसेच
याच संदर्भात पंकजा मुंडे यांनी ट्वीट केले आहे. त्यात त्या म्हणाल्या की, “लोकनेते मुंडे साहेबांच्या जयंतीनिमित्त ‘संकल्प सेवेचा’, ‘सेवा यज्ञ’ उपक्रमांतर्गत ऊसतोड कामगारांची भेट घेऊन त्यांच्याशी संवाद साधला आणि त्यांच्यासमवेत भाजी भाकरीचा आस्वाद घेतला. तसेच ऊसतोड कामगार आणि त्यांच्या परिवारांचे कोविड लसीकरण करून घेतले.”
Pankaja Munde Visits Sugarcane Workers Families On Gopinath Munde Birth Anniversary
महत्त्वाच्या बातम्या
- काँग्रेसच्या महागाई हटाव महारॅलीत गांधी परिवाराचा हिंदुत्ववाद्यांवर हल्लाबोल; दीर्घकाळानंतर सोनिया गांधी सार्वजनिक मंचावर!!
- अमेरिका अस्मानी संकटात : पाच राज्यांत आतापर्यंत 80 हून अधिक मृत्यू, बायडेन म्हणाले – नेमक्या नुकसानीचा अंदाज लावणे अवघड
- उद्या पंतप्रधान मोदी करणार काशी विश्वनाथ धामचे उद्घाटन, पंगतीत बसून घेणार भोलेबाबाचा प्रसाद, असा आहे शेड्यूल
- दोन वेळा ऑलिम्पिक सुवर्णपदक विजेत्या जलतरणपटूवर बलात्काराचा आरोप, १५ वर्षीय अल्पवयीन मुलीचे लैंगिक शोषण