एसटी कामगारांनी पुकारलेल्या आंदोलनादरम्यान आणखी एका एसटी कर्मचाऱ्याचा मृत्यू झाला आहे. त्यामुळे राज्यभरात मृत्युमखी पडलेल्या कर्मचाऱ्यांची संख्या 40हून अधिक झाली आहे. त्यामुळे एसटी कर्मचाऱ्यांत प्रचंड संताप निर्माण झाला आहे. One more ST worker died in the agitation
विशेष प्रतिनिधी
बुलडाणा : एसटी कामगारांनी पुकारलेल्या आंदोलनादरम्यान आणखी एका एसटी कर्मचाऱ्याचा मृत्यू झाला आहे. त्यामुळे राज्यभरात मृत्युमखी पडलेल्या कर्मचाऱ्यांची संख्या 40हून अधिक झाली आहे. त्यामुळे एसटी कर्मचाऱ्यांत प्रचंड संताप निर्माण झाला आहे. खामगाव येथे विष प्राशन केलेल्या विशाल अंबलकर यांचा गुरूवारी रात्री अखेर मृत्यू झाला. विष प्राशन केल्यानंतर त्यांना खामगाव येथील उपजिल्हा सामान्य रूग्णालयात भरती करण्यात आले. प्रकृती बिघडल्याने त्यांना अकोला येथे हलविण्यात आले. सर्वोपचार रूग्णालयात उपचार सुरू असताना त्यांचे निधन झाले.
राज्य शासनात विलिनीकरण करण्यात यावे, याप्रमुख मागणीसह विविध मागण्यांसाठी राज्यातील एसटी कामगारांनी १३ दिवसांपासून संप पुकारला आहे. या संपादरम्यान, विविध एसटी आगारासमोर परिवारासह आंदोलन केले जात आहे. संपकरी कामगारांना महामंडळाकडून निलंबित केले जात आहे. त्यामुळे अनेक कर्मचार्यांनी धास्ती घेतली आहे. खामगाव येथील सहा. मॅकेनिक या पदावरील यांत्रिक कर्मचारी विशाल अंबळकर(२९) रा. माटरगाव ता. शेगाव यांनी बुधवारी रात्री १० वाजता विषारी औषध प्राशन केले. गंभीर अवस्थेत त्यांना खामगाव येथील उपजिल्हा सामान्य रूग्णालयात भरती करण्यात आले. दरम्यान, त्यांची प्रकृती अत्यवस्थ झाली. त्यामुळे गुरूवारी रात्री त्यांना तात्काळ अकोला येथील सर्वोपचार रूग्णालयात भरती करण्यात आले. तेथे उपचारादरम्यान अंबळकर यांचा मृत्यू झाला.
One more ST worker died in the agitation
महत्त्वाच्या बातम्या
- महाराष्ट्रातील हिंसाचाराचे पाकिस्तानी कनेक्शन? आतापर्यंत 100 हून अधिक एफआयआर, 25 जणांना अटक, वाचा सविस्तर…
- रझा अकादमी म्हणजे काय? : धार्मिक प्रकाशन करणारी संस्था ते दंगलींपर्यंतचा प्रवास, आझाद मैदानाची दंगल ते सध्याचा हिंसाचार, वाचा सविस्तर…
- बालविवाह रोखण्यासाठी ठोस उपाय योजना करणे गरजेचे ; राज्य महिला आयोगाच्या अध्यक्ष रुपाली चाकणकर यांनी मुख्यमंत्र्यांना पाठवले पत्र
- “ज्यांनी जे काम केले आहे त्यांना त्याचे श्रेय त्यांनाच दिले पाहिजे” – अजित पवार
- कोल्हापूर विमानतळावरील अनियमित विमानसेवेमुळे प्रवाशांमध्ये नाराजी