लॉकडाऊनच्या काळात सामान्यांना गरजेच्या वस्तू मिळविण्यासाठी धावाधाव करावी लागत असताना शिवसेनेचे परिवहन मंत्री अनिल परब यांनी चक्क समुद्रकिनाऱ्यावर रिसॉर्ट उभा केला. अनधिकृतपणे उभारलेल्या या रिसॉर्टवर कारवाई करावी, सीआरझेडचा भंग, वन व पर्यावरणाचे नुकसान, सरकारी दस्तऐवजात खाडाखोड व मंत्रीपदाचा दुरुपयोग याबाबत कारवाई करण्याची मागणी भाजपातर्फे करण्यात आली आहे.Now Anil Parab is in trouble, resort built on agricultural land in lockdown, BJP demands governor to take action
विशेष प्रतिनिधी
मुंबई : लॉकडाऊनच्या काळात सामान्यांना गरजेच्या वस्तू मिळविण्यासाठी धावाधाव करावी लागत असताना शिवसेनेचे परिवहन मंत्री अनिल परब यांनी चक्क समुद्रकिनाऱ्यावर रिसॉर्ट उभा केला.
अनधिकृतपणे उभारलेल्या या रिसॉर्टवर कारवाई करावी, सीआरझेडचा भंग, वन व पर्यावरणाचे नुकसान, सरकारी दस्तऐवजात खाडाखोड व मंत्रीपदाचा दुरुपयोग याबाबत कारवाई करण्याची मागणी भाजपातर्फे करण्यात आली आहे.
भारतीय जनता पक्षाच्या शिष्टमंडळाने राज्यपाल भगतसिंह कोश्यारी यांची भेट घेऊन लेखी तक्रार केली. हा रिसॉर्ट शेतजमिनीवर अनधिकृतपणे बांधलेला आहे.
याबाबत भाजपाचे नेते किरीट सोमैय्या यांनी स्थानिक जिल्हाधिकारी आणि पोलीस अधीक्षक यांच्याकडे कारवाईची मागणी केली होती. मात्र, स्थानिक प्रशासनाने कोणतीही कारवाई केली नाही.
त्यामुळे सोमय्या यांनी केंद्रीय पर्यावरण मंत्री प्रकाश जावडेकर यांच्याकडे या रिसॉर्ट संदर्भात तक्रार केली आहे. अनिल परब यांच्यावर मंत्रीपदाचा दुरुपयोग आणि लॉकडाउनच्या नियमांना डावलून 2020 मध्ये तीन मजली रिसॉर्ट बांधल्याबद्दल गुन्हा दाखल करण्यात यावा,
अशी मागणी सोमय्या यांनी केली होती.भाजपाचय शिष्टमंडळानेही राज्यपालांची भेट घेऊन परब यांच्यावर तातडीने कारवाई करण्याचे निर्देश राज्य शासनाला द्यावेत, अशी मागणी शिष्टमंडळाने राज्यपालांना केली.
याबाबत राज्याच्या मुख्य सचिवांकडून अहवाल मागविण्याचे आश्वासन राज्यपालांनी दिले, अशी माहिती माजी खासदार किरीट सोमय्या यांनी पत्रकारांना दिली. शिष्टमंडळात सोमय्या यांच्यासह खासदार गोपाळ शेट्टी, आमदार राम कदम, आमदार मिहिर कोटेचा, आमदार राहुल नार्वेकर आदींचा समावेश होता.
Now Anil Parab is in trouble, resort built on agricultural land in lockdown, BJP demands governor to take action
महत्त्वाच्या बातम्या
- पुढील दशकात कोरोना सर्दी-खोकल्यासारखा सामान्य होणार, नव्या संशोधनात भाकित
- मुख्यमंत्री पी. विजयन यांनी महत्त्वाची खाती ठेवली स्वतःकडेच, वीणा जॉर्ज यांच्याकडे आरोग्य मंत्रालय
- अमेरिकेचे अध्यक्ष ज्यो बायडेन झाले भावूक; आशियाई वर्णद्वेषविरोधी विधेयकावर स्वाक्षरी
- तुरुंगात असूनही निवडणूक जिंकलेले अखिल गोगोई यांना विधानसभेतच मारहाण
- इस्राईल- पॅलेस्टाईनमध्ये अखेर युद्धबंदी, हजारो नागरिकांनी रस्त्यावर येऊन साजरा केला आनंद