विशेष प्रतिनिधी
मुंबई : एसटीचा संप मिटत नसल्याने आता राज्य शासनाकडून एसटी कर्मचाऱ्यांना धमक्या दिल्या जाऊ लागल्या आहेत. हजर व्हा,अन्यथा कामावरून काढून टाकू अशा नोटीसा एसटीतील २२९६ रोजंदारी कर्मचाऱ्यांना देण्यात आल्या आहेत.Notice to 2296 contractual employees of ST
गेल्या तीन आठवड्यापासून आंदोलन करणाऱ्या संपकरी कर्मचाऱ्यांवर एसटी महामंडळाने कारवाई सुरू केली आहे. आता या संपामुळे महामंडळातील कंत्राटी कामगारांनाही मोठा फटका बसला असून २२९६ रोजंदारी कामगारांना सेवा समाप्तीची नोटीस महामंडळाकडून बजावण्यात आली आहे. त्यामुळे आता कारवाई केलेल्या कामगारांची संख्या ४ हजार ३४९ वर गेली आहे.
एसटी महामंडळाचे राज्य सरकारमध्ये विलीनीकरण करा, या प्रमुख मागणीसाठी एसटी कर्मचारी संपावर गेले आहेत. हा संप फोडण्यासाठी एसटी महामंडळाने निलंबनाची कारवाई सुरू केली होती. न्यायालयाचे निर्देश असतानाही कामगार संपावर गेल्यामुळे महामंडळाने कारवाई सुरू केली आहे.
आतापर्यंत महामंडळाकडून २ हजार ५३ एसटी कर्मचाऱ्यांवर निलंबनाची कारवाई करण्यात आली आहे. आता याच पाठोपाठ एसटी महामंडळात रोजंदारीने काम करणाऱ्या २२९६ कर्मचाऱ्यांनाही सेवा समाप्तीची नोटीस बजावली आहे.
ज्यामध्ये चालक २९, चालक तथा वाहक २१८८, वाहक १८२, सहाय्यक ९७ आणि लिपिक टंकलेखक ८८ असे २२९६ रोजंदारी कामगारांचा समावेश आहे. यापूर्वी २१७८ एसटी कर्मचाऱ्यांना निलंबित करण्यात आले आहे.
Notice to 2296 contractual employees of ST
महत्त्वाच्या बातम्या
- महाराष्ट्रातील हिंसाचाराचे पाकिस्तानी कनेक्शन? आतापर्यंत 100 हून अधिक एफआयआर, 25 जणांना अटक, वाचा सविस्तर…
- रझा अकादमी म्हणजे काय? : धार्मिक प्रकाशन करणारी संस्था ते दंगलींपर्यंतचा प्रवास, आझाद मैदानाची दंगल ते सध्याचा हिंसाचार, वाचा सविस्तर…
- बालविवाह रोखण्यासाठी ठोस उपाय योजना करणे गरजेचे ; राज्य महिला आयोगाच्या अध्यक्ष रुपाली चाकणकर यांनी मुख्यमंत्र्यांना पाठवले पत्र
- “ज्यांनी जे काम केले आहे त्यांना त्याचे श्रेय त्यांनाच दिले पाहिजे” – अजित पवार
- कोल्हापूर विमानतळावरील अनियमित विमानसेवेमुळे प्रवाशांमध्ये नाराजी