व्हाय आय किल्ड गांधी या चित्रपटात नथुराम गोडसे यांची भूमिका करणारे राष्ट्रवादी कॉंग्रेसचे खासदार अमोल कोल्हे यांच्यावर टीका होऊ लागल्यावर आता राष्ट्रवादी कॉँग्रेस त्यांच्या समर्थनार्थ उतरली आहे. कोल्हे यांनी केलेल्या नथुराम गोडसे भूमिकेला आमचा विरोध नाही, असे राष्ट्रवादीकडून स्पष्ट करण्यात आले आहे. NCP has come out in support of MP Amol Kolhe, making it clear that it is not opposed to Nathuram Godse’s role
विशेष प्रतिनिधी
मुंबई : व्हाय आय किल्ड गांधी या चित्रपटात नथुराम गोडसे यांची भूमिका करणारे राष्ट्रवादी कॉंग्रेसचे खासदार अमोल कोल्हे यांच्यावर टीका होऊ लागल्यावर आता राष्ट्रवादी कॉँग्रेस त्यांच्या समर्थनार्थ उतरली आहे. कोल्हे यांनी केलेल्या नथुराम गोडसे भूमिकेला आमचा विरोध नाही, असे राष्ट्रवादीकडून स्पष्ट करण्यात आले आहे.
राष्ट्रवादी चित्रपट व सांस्कृतिक विभागाचे प्रदेशाध्यक्ष बाबासाहेब पाटील म्हणाले, राष्ट्रवादी हा संविधानाचा सन्मान करणारा पक्ष आहे. या संविधानाने दिलेले अधिकार प्रत्येकाला आहेत आणि कर्तव्यही प्रत्येकासाठीच आहेत. त्यानुसार अमोल कोल्हे कलाकार म्हणून नथुराम गोडसेची भूमिका साकारत असतील तर त्याला आमचा विरोध नाही. अमोल कोल्हे यांची कलेशी बांधिलकी आहे. त्यानुसार ते ही भूमिका साकारत आहेत. परंतु त्यांची वैचारिक बांधिलकी ही राष्ट्रवादी पक्षाच्या वैचारिक भूमिकेशीच आहे, याबाबत आमच्या मनात कोणताही संशय नाही. शरद पोंक्षे नथुराम गोडसेची भूमिका त्या विचारांच्या प्रचारासाठी साकारतात तर, अमोल कोल्हे कलाकार म्हणून कलेशी असलेल्या बांधिलकीतून ही भूमिका साकारताहेत, हा त्यातील मुलभूत फरक आहे.
कोल्हे यांचा हा चित्रपट ओटीटी प्लॅटफॉर्मवर ३० जानेवारीला प्रदर्शित होणार आहे. राष्ट्रवादी पक्षाचे खासदार असताना गांधींची हत्या करणाºया गोडसे यांचे समर्थन करणारी भूमिका तुम्ही कशी करू शकता, यावरून कोल्हे यांच्यावर टीका करण्यात येत आहे. अमोल कोल्हेंनी नथुराम गोडसेंची भूमिका करण्याला राष्ट्रवादीचे नेते आणि गृहनिर्माण मंत्री जितेंद्र आव्हाड यांनी विरोध केला आहे. अमोल कोल्हे यांनी जरी कलाकार म्हणून ही भूमिका साकारली असली, तरी त्यात गोडसेचे समर्थन आलेच. गोडसेंच्या कृतीचे, गांधी हत्येचे समर्थन करू शकत नाही. माझा अमोल कोल्हेंच्या गोडसेची भूमिका साकारण्याला विरोध आहे,असे म्हणत जितेंद्र आव्हाड यांनी त्यांना विरोध केला आहे.
NCP has come out in support of MP Amol Kolhe, making it clear that it is not opposed to Nathuram Godse’s role
महत्त्वाच्या बातम्या
- डॉ. अमोल कोल्हेंच्या नथुरामच्या भूमिकेचे शरद पवारांकडून समर्थन!!
- जगातील १३ राष्ट्रप्रमुखांना मागे सारत पंतप्रधान नरेंद्र मोदीच टॉप वर!!
- घर मालकांना दिलासा, पोलीस ठाण्यात भाडेकरूंची माहिती देण्याची गरज नसल्याचे पोलीस महासंचालक कार्यालयाने केले स्पष्ट
