बॉलीवूड अभिनेता शाहरुख खानचा मुलगा आर्यन खानच्या ड्रग्ज प्रकरणावर राष्ट्रवादी काँग्रेस पक्षाचे नेते आणि महाराष्ट्राचे मंत्री नवाब मलिक यांनी भाजप आणि नार्कोटिक्स कंट्रोल ब्युरोवर टीका केली आहे. आता नवाब मलिक यांनी भाजप आणि एनसीबीने मिळून मुंबईत ‘दहशतवाद’ पसरवत असल्याचा आरोप केला आहे. नवाब मलिक यांनी केंद्रीय एजन्सीचे प्रादेशिक संचालक वानखेडे यांच्या व्हॉट्सअॅप संभाषणांच्या चौकशीच्या मागणीचा पुनरुच्चार केला आणि म्हटले की, यावरून एनसीबीची प्रकरणे किती “बनावट” आहेत हे उघड होईल. nawab malik calls cruise drug case fake says ncb misleading court criticized BJP
विशेष प्रतिनिधी
मुंबई : बॉलीवूड अभिनेता शाहरुख खानचा मुलगा आर्यन खानच्या ड्रग्ज प्रकरणावर राष्ट्रवादी काँग्रेस पक्षाचे नेते आणि महाराष्ट्राचे मंत्री नवाब मलिक यांनी भाजप आणि नार्कोटिक्स कंट्रोल ब्युरोवर टीका केली आहे. आता नवाब मलिक यांनी भाजप आणि एनसीबीने मिळून मुंबईत ‘दहशतवाद’ पसरवत असल्याचा आरोप केला आहे. नवाब मलिक यांनी केंद्रीय एजन्सीचे प्रादेशिक संचालक वानखेडे यांच्या व्हॉट्सअॅप संभाषणांच्या चौकशीच्या मागणीचा पुनरुच्चार केला आणि म्हटले की, यावरून एनसीबीची प्रकरणे किती “बनावट” आहेत हे उघड होईल.
NCBचा वापर सरकारला बदनाम करण्यासाठी : नवाब मलिक
नवाब मलिक यांनी दावा केला आहे की, क्रुझकडून ड्रग्जच्या कथित जप्तीसंबंधित प्रकरण ‘बनावट’ आहे आणि अटक केवळ व्हॉट्सअॅप संभाषणाच्या आधारे करण्यात आली आहे. मंत्री म्हणाले की, जहाजावरील छाप्यानंतर योग्य प्रक्रिया पाळली गेली नाही, ज्यामध्ये बॉलिवूडचा सुपरस्टार शाहरुख खानचा मुलगा आर्यन खान हादेखील आरोपी आहे, तो सध्या तुरुंगात आहे. एनसीबीचा वापर राज्यातील महा विकास आघाडी (एमव्हीए) सरकारला बदनाम करण्यासाठी केला जात असल्याचा आरोप मलिक यांनी केला. पुढील आठवड्यात आपण आपल्या दाव्याच्या समर्थनार्थ पुरावे सादर करणार असल्याचे त्यांनी सांगितले.
आर्यन खानची जामिनासाठी मुंबई उच्च न्यायालयात धाव
आर्यन खान मुंबईतील किनाऱ्याजवळील क्रूझ जहाजातून ड्रग्ज जप्त केल्याप्रकरणी तुरुंगात आहे. काल विशेष एनडीपीएस कोर्टाने त्याची जामीन याचिका फेटाळली, त्यानंतर त्याच्या वकिलांनी तत्काळ मुंबई उच्च न्यायालयात अपील दाखल करून खालच्या न्यायालयाच्या आदेशाला आव्हान दिले. आर्यनच्या याचिकेवर सुनावणी होऊ शकते. आर्यनचे वकील आज न्यायमूर्ती एनडब्ल्यू सांब्रे यांच्या एकल खंडपीठासमोर अपील सादर करण्याची शक्यता आहे. महानगरातील विशेष न्यायालयाने बुधवारी दुपारी आर्यन आणि इतर दोघांना जामीन नाकारला होता. विशेष न्यायाधीश व्ही. व्ही. पाटील यांनी आर्यन आणि त्याचे दोन मित्र अरबाज मर्चंट आणि फॅशन मॉडेल मुनमुन धामेचा यांचे जामीन अर्ज फेटाळले.
व्हिडिओ कॉन्फरन्सिंगद्वारे न्यायालयात हजर करणार – जेल प्रशासन
त्याचवेळी, आर्थर रोड जेल प्रशासनाने सांगितले आहे की, आर्यन खानसह सर्व आरोपींना आज उच्च न्यायालयात नेले जाणार नाही. उलट सर्वांना व्हिडिओ कॉन्फरन्सिंगद्वारे न्यायालयात हजर केले जाईल. तीन आरोपींना नार्कोटिक्स कंट्रोल ब्युरोने (एनसीबी) ३ ऑक्टोबर रोजी अटक केली होती आणि ते सध्या न्यायालयीन कोठडीत आहेत. आर्यनची न्यायालयीन कोठडीही 21 ऑक्टोबर रोजी संपत आहे.
nawab malik calls cruise drug case fake says ncb misleading court criticized BJP
महत्त्वाच्या बातम्या
- फक्त उत्तर प्रदेशातच महिलांसाठी 40 टक्के जागा का, इतर राज्यांत महिला नाहीत?’ मायावतींचा काँग्रेसवर निशाणा
- भाजपने मला १०० कोटींची ऑफर दिलेली , शशिकांत शिंदेंच्या वक्तव्यावर प्रवीण दरेकर यांनी दिली ‘ ही ‘ प्रतिक्रिया
- Lakhimpur : रात्री उशिरापर्यंत रिपोर्ट ची वाट पाहिली ; योगी सरकारला सुप्रीम कोर्टाने फटकारले , पुढील सुनावणी २६ ऑक्टोबरला होणार
- सिनेमात काम देण्याचे आमिष दाखवून पुण्यात 31 वर्षीय तरुणीवर सलग दोन वर्षे बलात्कार
- कॅप्टन साहेबांनी धर्मनिरपेक्ष अमरिंदरसिंगांना “मारले”;काँग्रेसचे नेते एकापाठोपाठ एक बरसले