Nawab Malik Arrested : अंडरवर्ल्डच्या कारवायांशी संबंधित मनी लाँड्रिंग प्रकरणात अंमलबजावणी संचालनालयाने (ईडी) बुधवारी महाराष्ट्राचे मंत्री नवाब मलिक यांना अटक केली आहे. राष्ट्रवादीचे नेते नवाब मलिक यांची सकाळी ईडीने चौकशी केली. त्यानंतर दुपारी त्यांना अटक करण्यात आली. अटकेनंतर नवाब मलिक म्हणाले की, मी लढेन, मी घाबरणार नाही. Nawab Malik Arrested Nationalist Party Arrested, Minority Minister Nawab Malik Arrested By ED, Money Laundering Case
वृत्तसंस्था
मुंबई : अंडरवर्ल्डच्या कारवायांशी संबंधित मनी लाँड्रिंग प्रकरणात अंमलबजावणी संचालनालयाने (ईडी) बुधवारी महाराष्ट्राचे मंत्री नवाब मलिक यांना अटक केली आहे. राष्ट्रवादीचे नेते नवाब मलिक यांची सकाळी ईडीने चौकशी केली. त्यानंतर दुपारी त्यांना अटक करण्यात आली. अटकेनंतर नवाब मलिक म्हणाले की, मी लढेन, मी घाबरणार नाही.
अटकेपूर्वी ईडीच्या एका अधिकाऱ्याने सांगितले की, 62 वर्षीय राष्ट्रवादी काँग्रेस पक्षाचे नेते मलिक सकाळी 8 वाजता येथील बॅलार्ड इस्टेट भागात असलेल्या ईडी कार्यालयात पोहोचले आणि एजन्सी ‘प्रिव्हेन्शन ऑफ मनी लाँडरिंग कायद्या’ अंतर्गत त्यांचा जबाब नोंदवत आहे.
मलिक गेल्या काही महिन्यांपासून चर्चेत आहे, कारण त्यांनी एनसीबीच्या मुंबई झोनच्या अंमली पदार्थ विरोधी संस्थेचे माजी संचालक समीर वानखेडे यांच्यावर वैयक्तिक आणि सेवेशी संबंधित आरोप केले होते. मलिक यांचे जावई समीर खान यांनाही एनसीबीने गेल्या वर्षी अंमली पदार्थप्रकरणी अटक केली होती.
ईडीने 15 फेब्रुवारी रोजी मुंबईत छापे टाकल्यानंतर आणि अंडरवर्ल्ड संबंध, मालमत्तेची कथित बेकायदेशीर खरेदी आणि हवाला व्यवहारांसंदर्भात नवीन गुन्हा दाखल केल्यानंतर मलिकांना अटक करण्यात आली आहे.
1993च्या बॉम्बस्फोटाचा मास्टरमाइंड दाऊद इब्राहिमची मृत बहीण, सलीम कुरेशी उर्फ सलीम फ्रूट, भाऊ इक्बाल कासकर आणि छोटा शकीलच्या नातेवाईकासह 10 ठिकाणी एजन्सीने छापे टाकले होते. आधीच कारागृहात असलेल्या कासकरला गेल्या आठवड्यात एजन्सीने अटक केली होती. पारकर यांच्या मुलाचीही ईडीने चौकशी केली होती.
Nawab Malik Arrested Nationalist Party Arrested, Minority Minister Nawab Malik Arrested By ED, Money Laundering Case
महत्त्वाच्या बातम्या
- नवाब मलिकांवर ईडी कारवाईचा थेट यूपी निवडणुकीशी संबंध, आमदार रोहित पवार यांनी व्यक्त केला संशय
- Nawab malik ED : राष्ट्रवादीचे मोर्चे ईडी विरोधात? की चौकशीत “कोणाचे” नाव घेऊ नये म्हणून नवाब मलिकांवर दबावासाठी…??
- भुजबळ, देशमुखांच्या अटकेच्या वेळी मोर्चे नाहीत, फक्त नवाब मलिकांच्या ईडी चौकशीच्या वेळी राष्ट्रवादीचे मोर्चे!!; रहस्य काय??
- औरंगाबादच्या घाटी रुग्णालयातील परिचारिकांचे विविध मागण्यांसाठी राज्यव्यापी आंदोलन
- कोरोना ज्या वूहानच्या लँबोरेटरीमधून निघाला त्याचा मालक बिल गेट्स : मेधा पाटकर यांचा घणाघात