विशेष प्रतिनिधी
मुंबई : नानाभाऊ शारीरिक उंचीसोबत बौद्धिक आणि वैचारिक उंचीही असावी, अशा शब्दांत विरोधी पक्षनेते देवेंद्र फडणवीस यांनी काँग्रेसचे प्रदेशाध्यक्ष नाना पटोले यांना सुनावले आहे.Nanabhau should have intellectual and ideological height along with physical height, Devendra Fadnavis told Nana Patole
‘मी मोदींना मारू शकतो, शिव्या देऊ शकतो’ असे विधान नाना पटोले यांनी केले होते. त्यावरून पटोले यांच्यावर टीका करताना फडणवीस म्हणाले की, नाना यांना शारीरिक उंचीसोबत बौद्धिक आणि वैचारिक उंचीही असावी लागते. तसेच काँग्रेस पक्ष सत्तेसाठी इतक्या रसातळाला गेला आहे का? असा संतप्त सवालही फडणवीसांनी यावेळी विचारला आहे.
पाकिस्तानच्या सीमेनजीक पंजाबमध्ये मा. पंतप्रधान नरेंद्र मोदीजी यांचा ताफा 20 मिनिटे खोळंबून राहतो, तेथील काँग्रेसचे मुख्यमंत्री त्याची साधी दखल सुद्धा घेत नाहीत. आता महाराष्ट्राचे काँग्रेस अध्यक्ष म्हणतात, मी मोदींना मारु शकतो, शिव्या देऊ शकतो.
त्यामुळे काँग्रेस पक्षाचे चालले तरी काय? कधीकाळी स्वातंत्र्याच्या आंदोलनात असणारा हा पक्ष इतक्या रसातळाला? सत्तेसाठी काहीही? काँग्रेसला आता लोकशाहीतील राजकीय पक्ष म्हणायचे, की दहशत पसरविणारे संघटन?
भंडारा जिल्ह्यात रविवारी जिल्हा परिषद व पंचायत समितीच्या निवडणूक प्रचारसभेत बोलताना पटोले यांनी आपण पंतप्रधान मोदी यांना मारू ही शकतो व शिव्याही देऊ शकतो असे विधान केले. त्यांच्या या संभाषणाचा व्हिडीओ सध्या सोशल मीडियावर वेगाने व्हायरल होत आहे.
लोकसभा निवडणुकीत पराभव आल्यानंतर नाना पटोले हे 2019 मध्ये साकोली विधानसभा मतदार संघातून निवडणुकीच्या रिंगणात उतरले होते. त्यावेळी पंतप्रधान नरेंद्र मोदी हे परिणय फुके यांच्या प्रचारासाठी साकोली येथे आले होते.
Nanabhau should have intellectual and ideological height along with physical height, Devendra Fadnavis told Nana Patole
महत्त्वाच्या बातम्या
- हौथी बंडखोरांकडून अबूधाबी विमानतळाजवळ ड्रोनच्या साहाय्याने बॉम्बस्फोट, दोन भारतीयांसह तीन जण ठार
- पंजाबमध्ये मतदानाची तारीख बदलली; १४ ऐवजी २० फेब्रुवारीला मतदान
- यूएई मधील विमानतळावर ड्रोनच्या माध्यमातून हल्ले तीन मोठे स्फोट; मृतांमध्ये दोन भारतीय एक पाकिस्तानी
- मोठी घोषणा : 12 ते 14 वर्षे वयोगटातील मुलांचे लसीकरण मार्चपासून, 15 ते18 वयोगटाचे लसीकरणही लवकरच पूर्ण होणार
