Mukesh Ambani : भारतातील सर्वात श्रीमंत व्यक्ती मुकेश अंबानी यांनी एका वर्षाच्या आत आणखी एक आलिशान हॉटेल खरेदी केले आहे. रिलायन्स इंडस्ट्रीज लिमिटेडने न्यूयॉर्कचे लक्झरी हॉटेल मँडरिन ओरिएंटल तब्बल 9.81 कोटी डॉलरमध्ये विकत घेतले आहे. भारतीय चलनात त्याची किंमत सुमारे 728 कोटी आहे. 2003 मध्ये बांधलेले मँडरीन ओरिएंटल हे सेंट्रल पार्क आणि कोलंबस सर्कलच्या शेजारील 80 कोलंबस सर्कल, न्यूयॉर्क येथे स्थित एक लक्झरी हॉटेल आहे. Mukesh Ambani buys luxury hotel in New York for Rs 728 crore, second largest purchase in less than a year
वृत्तसंस्था
मुंबई : भारतातील सर्वात श्रीमंत व्यक्ती मुकेश अंबानी यांनी एका वर्षाच्या आत आणखी एक आलिशान हॉटेल खरेदी केले आहे. रिलायन्स इंडस्ट्रीज लिमिटेडने न्यूयॉर्कचे लक्झरी हॉटेल मँडरिन ओरिएंटल तब्बल 9.81 कोटी डॉलरमध्ये विकत घेतले आहे. भारतीय चलनात त्याची किंमत सुमारे 728 कोटी आहे. 2003 मध्ये बांधलेले मँडरीन ओरिएंटल हे सेंट्रल पार्क आणि कोलंबस सर्कलच्या शेजारील 80 कोलंबस सर्कल, न्यूयॉर्क येथे स्थित एक लक्झरी हॉटेल आहे.
कंपनीने स्टॉक एक्सचेंज फाइलिंगमध्ये म्हटले आहे की, “रिलायन्स इंडस्ट्रीज लिमिटेड (RIL) ची पूर्ण मालकीची उपकंपनी असलेल्या रिलायन्स इंडस्ट्रियल इन्व्हेस्टमेंट्स अँड होल्डिंग्ज लिमिटेड (RIIHL) ने कोलंबस सेंटर कॉर्पोरेशन (केमन) चे संपूर्ण जारी केलेले शेअर्स अंदाजे 9.81 कोटी डॉलरच्या इक्विटी संपादन करण्यासाठी करार केला आहे. जी कंपनी केमन आयलंडमध्ये समाविष्ट आहे आणि मँडरिन ओरिएंटल न्यूयॉर्कमधील 73.37 टक्के हिस्सेदारीची अप्रत्यक्ष मालक आहे. मँडरिन ओरिएंटल हे न्यूयॉर्क शहरातील प्रतिष्ठित लक्झरी हॉटेल्सपैकी एक आहे.”
या आठवड्याच्या सुरुवातीला, रिलायन्स इंडस्ट्रीज लिमिटेडची रिटेल शाखा असलेल्या रिलायन्स रिटेलने किराणा मालाच्या ऑनलाइन डिलिव्हरी व्यवसायात आपली उपस्थिती मजबूत करण्यासाठी डंझो या क्षेत्रातील कंपनीचा 25.8 टक्के हिस्सा सुमारे 1488 कोटी रुपयांना विकत घेतला. दोन कंपन्यांनी एका निवेदनात म्हटले आहे की, डंझोने निधी उभारणीच्या कार्यक्रमाचा एक भाग म्हणून रिलायन्स रिटेल व्हेंचर्स लिमिटेड (RRVL) च्या नेतृत्वाखाली नुकतेच $240 दशलक्ष उभे केले आहेत.
रिलायन्स इंडस्ट्रीज लिमिटेडचे अध्यक्ष मुकेश अंबानी यांनी नुकतेच भाकीत केले होते की भारत जगातील पहिल्या तीन अर्थव्यवस्थांपैकी एक बनेल आणि रिलायन्स जगातील सर्वात मजबूत आणि प्रतिष्ठित भारतीय बहुराष्ट्रीय कंपन्यांपैकी एक बनेल.
Mukesh Ambani buys luxury hotel in New York for Rs 728 crore, second largest purchase in less than a year
महत्त्वाच्या बातम्या
- Varun Gandhi Corona Positive : वरुण गांधींना कोरोनाची लागण, ट्विट करून माहिती दिली, निवडणूक आयोगाकडे केली ही मोठी मागणी
- साहेब जादे जोरावर सिंग, फतेह सिंग यांचा शहीद दिवस 26 डिसेंबर यापुढे वीर बाल दिवस म्हणून साजरा होणार!!
- महाराष्ट्रात मिनी लॉकडाऊन : सोमवारपासून महाराष्ट्रात दिवसा कलम 144 आणि रात्री कर्फ्यू लागू, जाणून घ्या काय राहणार सुरू, काय राहणार बंद!
- पाचही राज्यांमध्ये लसीकरण वाढवा, रणधुमाळीच्या पार्श्वभूमीवर निवडणूक आयोगाचे निर्देश
- पंतप्रधानांच्या सुरक्षेला धोका नव्हता; पंजाबच्या मुख्यमंत्र्यांनी प्रियांका गांधींना केले ब्रीफिंग!!