विशेष प्रतिनिधी
मुंबई : महाराष्ट्र लोकसेवा आयोगातर्फे (एमपीएससी) महाराष्ट्र नागरी सेवा राजपत्रित संयुक्त पूर्वपरीक्षा २०२५ ही परीक्षा २८ सप्टेंबर रोजी राज्यभरातील जिल्हा केंद्रांवर आयोजित करण्यात आली होते. मात्र, राज्यातील पाऊस आणि पूरपरिस्थितीमुळे ही परीक्षा पुढे ढकलण्याचा निर्णय ‘एमपीएससी’ने घेतला आहे. आता ही परीक्षा ९ नोव्हेंबर रोजी घेतली जाणार असल्याचे स्पष्ट करण्यात आले आहे.
‘एमपीएससी’ने याबाबतचे परिपत्रक प्रसिद्ध केले आहे. राजपत्रित संयुक्त पूर्वपरीक्षा २०२५ ही परीक्षा दिनांक २८ सप्टेंबर रोजी राज्यातील ३७ जिल्हा केंद्रांवरील ५२४ उपकेंद्रांवर उपकेंद्रांवर घेण्यात येणार होती. मात्र, राज्यातील अनेक जिल्ह्यांमध्ये निर्माण झालेल्या पूरजन्य परिस्थितीमुळे अनेक जिल्ह्यांतील गावांचा, तालुक्यांचा एकमेकांशी संपर्क तुटलेला आहे. तसेच, राज्यातील हवामान खात्याने पुढील काही दिवसांत अतिवृष्टीचा इशारा देण्यात आला आहे. त्यामुळे ही परीक्षा पुढे ढकलण्यात आली आहे.
गेल्या काही दिवसांपासून पावसाने राज्यात चांगलाच हाहाकार माजवला आहे. याचा सोलापूर, धाराशिव, लातूर, बीड आणि मराठवाडा सारख्या काही भागांना चांगलाच तडाखा बसला आहे. मात्र रविवारी (ता. 28) 36 जिल्हा केंद्रांवर एमपीएससीची परीक्षा घेण्यात येणार आहे. राज्यात झालेला अतिवृष्टीमुळे अनेक ठिकाणी पूर परिस्थिती निर्माण झाली आहे. यामुळे अनेक गावांशी संपर्क तुटला आहे. तर काही भागातील लोकांना स्थलांतर देखील करावे लागले आहे. अशा परिस्थितीत या भागातील विद्यार्थ्यांनी 28 सप्टेंबर रोजी होणारी राज्यसेवा पूर्व परीक्षा पुढे ढकलण्याची विनंती राज्य सरकार व महाराष्ट्र लोकसेवा आयोगाला केली होती.
MPSC’s big decision… Joint preliminary exam postponed; new date announced
महत्वाच्या बातम्या
- Ladakh : लडाख हिंसा- 4 ठार, 72 जखमी; राज्याचा दर्जा मागणाऱ्या आंदोलकांनी भाजप कार्यालयाला आग लावली
- नाव महागठबंधन, यात्रा मात्र वेगवेगळ्या; तरीही बिहारमध्ये बळकट भाजपला हरविण्याचा दावा!!
- State Government : महाराष्ट्रात पूरग्रस्तांसाठी राज्य सरकारचा दिलासा; मृतांच्या वारसांना ४ लाख, शेतकऱ्यांना नुकसानभरपाई
- महाराष्ट्रातल्या अतिवृष्टीग्रस्तांसाठी संघासह सगळीकडून मदतीचा ओघ; मुख्यमंत्री निधीलाही भरघोस मदत