प्रतिनिधी
पुणे : खासदार छत्रपती उदयनराजे आणि खासदार छत्रपती संभाजीराजे यांच्या भेटीनंतर भाजप आणि केंद्र यांच्या दिशेने टोचणारे प्रश्न विचारणाऱ्या पत्रकारांना उदयनराजे यांनी चांगलेच फटकारले.MP Udayan raje and MP Sambhaji raje targets journalists over bjp and central govt centric questions
तुम्ही नीट प्रश्न विचारा… यात पक्षबिक्ष काही आणू नका. राज्यातल्या लोकप्रतिनिधींनी आधी विधिमंडळाचे विशेष अधिवेशन बोलवावे आणि मराठा आरक्षणावर चर्चा करावी. मग मी केंद्राचे बघतो,
अशा शब्दांत उदयनराजे यांनी पत्रकारांना फटकारले. राज्यातल्या ठाकरे – पवार सरकारच्या भूमिकेविषयी प्रश्न न विचारता पत्रकारांनी आपल्या प्रश्नांचा रोख केंद्र सरकार आणि भाजपच्या दिशेने ठेवला. त्यावर उदयनराजेंनी पत्रकारांना तुम्ही नीट प्रश्न विचारा. उध्दव ठाकरे असो नाही तर अजित पवार असो. त्यांची जबाबदारी आहे.
ते लोकप्रतिनिधी आहेत. त्यांनी विशेष अधिवेशन बोलवावे. सभागृहात स्पष्ट भूमिका मांडावी. ते सभागृहात एक बोलतात आणि बाहेर दुसरे बोलतात. त्यांची हिंमत असेल तर अधिवेशन घ्यावे. सगळे सांगावे. त्याचे लाइव्ह टेलिकास्ट करावे. कोणी कोणाला फूस लावली? कोण काय बोलले हे सगळ्यांना कळू द्यात ना… त्यांच्यात दम नाही. एक वर्ष – दीड वर्ष नुसती टोलवा टोलवी चालली आहे. मग केंद्राचे बघता येईल, असे उदयनराजेंनी सुनावले.
पंतप्रधान नरेंद्र मोदी यांनी खासदार संभाजीराजे यांना वेळ दिली नाही का या प्रश्नाचे उत्तर देताना संभाजीराजेंनी मोदींनी वेळ दिली नाही, असे तुम्ही इंटरप्रिट करता आहात. पण मी आतापर्यंत वेळ मागितली आणि त्यांनी दिली नाही, असे कधी घडलेले नाही.
एक – दोन दिवसांमध्ये मोदींनी मला भेटीची वेळ दिलेली आहे. पण समाजासाठी वेळ मागितल्यावर त्यांनी दिलेली नाही किंवा काही कोविडचे कारण असेल. पत्रकारांनी काही वेगळा अर्थ काढू नये, असे संभाजीराजे म्हणाले.
MP Udayan raje and MP Sambhaji raje targets journalists over bjp and central govt centric questions
महत्त्वाच्या बातम्या
- नाना पटोले म्हणाले, महाराष्ट्ररात स्वबळावर निवडणुका लढणार काँग्रेस, मुख्यमंत्रिपदाचा चेहरा बनण्यास तयार
- Indian Navy Recruitment 2021 : बेरोजगार तरुणांना भारतीय नौदलात अधिकारी पदाची सुवर्णसंधी, अर्ज प्रक्रिया सुरू, वाचा तपशील
- Anti Conversion Law : उत्तर प्रदेशात महिलेचं धर्मांतर करणाऱ्या तिघांना अटक ; कायदा लागू झाल्यावर पाहिली कारवाई
- एलन मस्क यांच्या एका ट्वीटने Bitcoin मध्ये 13% उसळी, टेस्ला पुन्हा घेणार क्रिप्टोकरन्सीत पेमेंट