विशेष प्रतिनिधी
मुंबई : Sumona Chakravarti दक्षिण मुंबईसारख्या सुरक्षित व प्रतिष्ठित मानल्या जाणाऱ्या भागातसुद्धा महिलांना दिवसाढवळ्या असुरक्षित वाटू शकते, याचे धक्कादायक उदाहरण समोर आले आहे. लोकप्रिय अभिनेत्री सुमोना चक्रवर्तीने स्वतःचा भीषण अनुभव इन्स्टाग्राम पोस्टमधून शेअर केला असून, मराठा आंदोलकांकडून गैरवर्तन झाल्याचा आरोप केला आहे.Sumona Chakravarti
सुमोनाने आपल्या पोस्टमध्ये म्हटले आहे की, “आज दुपारी साडेबारा वाजता कोलाबाहून फोर्टकडे जाताना अचानक माझी कार आंदोलकांच्या जमावाने अडवली. भगवा अंगरखा घातलेल्या एका व्यक्तीने गाडीच्या बोनटवर जोरजोरात बडवायला सुरुवात केली. तो खिदळत माझ्याकडे पाहत होता आणि स्वतःचं पोट कारला टेकवत अश्लील हालचाली करत होता. त्याचे सोबती काचा बडवत “जय महाराष्ट्र” अशा घोषणा देत हसत होते. अवघ्या पाच मिनिटांत दोनदा हा प्रसंग घडला, पण तिथे ना पोलीस होते, ना कायदा-सुव्यवस्था दिसली. उलट दिसणारे काही पोलीस गप्पा मारत बसलेले होते.”Sumona Chakravarti
अभिनेत्रीने स्पष्ट केले की, मुंबईसारख्या महानगरात, तेही उजेडात, स्वतःच्या गाडीत बसले असताना तिला प्रचंड असुरक्षित वाटले.
सुमोनाने आपल्या पोस्टमध्ये पुढे लिहिले की, “रस्त्यांची अवस्था अतिशय दयनीय होती. केळीच्या साली, प्लास्टिकच्या बाटल्या, घाण यांचा ढीग रस्त्यावर साचला होता. फूटपाथवर आंदोलकांनी कब्जा केला होता. तिथेच ते खाणं, झोपणं, आंघोळ करणं, स्वयंपाक करणं, लघुशंका व मलमूत्र विसर्जन करणं, व्हिडिओ कॉल करणं, रील्स बनवणं, अगदी ‘मुंबई दर्शन’ करत असल्यासारखे वागत होते. आंदोलनाचा उद्देश काहीही असो, नागरी भानाचा अक्षरशः खेळखंडोबा होत होता.”
देशाच्या प्रगतीवर प्रश्न उपस्थित करत अभिनेत्री म्हणाली की, “आपण सर्वात वेगाने वाढणारी अर्थव्यवस्था आहोत असा दावा केला जातो, पण प्रत्यक्षात तसं काही जाणवत नाही. जातिवाद, धर्म, भ्रष्टाचार, राजकारण, निरक्षरता आणि बेरोजगारी यांनी समाजाला जखडून टाकलं आहे. खरा विकास म्हणजे सर्वसामान्यांच्या जीवनमानात सुधारणा, समान संधी आणि पारदर्शक व्यवस्था. पण आज जे घडतंय त्याला विकास नव्हे तर अधःपतन म्हणावं लागेल.”
सुमोना चक्रवर्तीच्या या पोस्टनंतर समाजमाध्यमांवर तीव्र संताप व्यक्त होत आहे. अनेकांनी मुंबईसारख्या शहरात महिलांना सुरक्षितता नाही हे धक्कादायक असल्याचे म्हटले आहे. आंदोलकांचा योग्य पद्धतीने निषेध होणे गरजेचे असल्याची मागणीही होत आहे.
Misconduct by Maratha Protesters: Actress Sumona Chakravarti’s Shocking Experience in South Mumbai
महत्वाच्या बातम्या
- मराठा आरक्षण वादाच्या पार्श्वभूमीवर भुजबळांची महत्त्वाची चाल, ओबीसी नेत्यांची बोलवली बैठक
- डोनाल्ड ट्रम्पने घेतली होती युरोपियन राष्ट्रप्रमुखांची “शाळा”; पण SCO मध्ये भारत + चीन + रशियासह महत्त्वाच्या राष्ट्रप्रमुखांचा भरला समानता मेळा!!
- Operation Sindoor : ऑपरेशन सिंदूरमध्ये पाकिस्तानवर 50 पेक्षा कमी शस्त्रे डागली; एअर मार्शल म्हणाले- पाकिस्तान घाबरला आणि युद्धबंदीची मागणी करू लागला
- Jaishankar : जयशंकर म्हणाले- युक्रेन युद्धावर भारताला लक्ष्य करणे चुकीचे; आम्ही संवादाच्या बाजूने