Marathi actress beats watchman : मनसे प्रमुख राज ठाकरे यांचा फोटो न ओळखल्याबद्दल एका मराठी अभिनेत्रीने चौकीदाराला बेदम मारहाण केली. मुंबईतील या घटनेचा व्हिडिओ सोशल मीडियावर व्हायरल झाला आहे. चौकीदाराला मारहाण करणारी महिला मनसे कार्यकर्ता असल्याचे सांगितले जाते. मुंबईच्या मालवणी पोलिसांनी मराठी सिनेमाचे दिग्दर्शक, निर्माता आणि त्यांच्या ड्रायव्हरला अटक केली आहे आणि अभिनेत्रीला नोटीस देण्यात आली आहे. Marathi actress beats watchman, charges filed after video goes viral
प्रतिनिधी
मुंबई : मनसे प्रमुख राज ठाकरे यांचा फोटो न ओळखल्याबद्दल एका मराठी अभिनेत्रीने चौकीदाराला बेदम मारहाण केली. मुंबईतील या घटनेचा व्हिडिओ सोशल मीडियावर व्हायरल झाला आहे. चौकीदाराला मारहाण करणारी महिला मनसे कार्यकर्ता असल्याचे सांगितले जाते. मुंबईच्या मालवणी पोलिसांनी मराठी सिनेमाचे दिग्दर्शक, निर्माता आणि त्यांच्या ड्रायव्हरला अटक केली आहे आणि अभिनेत्रीला नोटीस देण्यात आली आहे.
काय आहे संपूर्ण प्रकरण?
मालाड पश्चिम, मुंबई येथे असलेल्या मालवणी पोलीस ठाण्याच्या पोलिसांनी दिलेल्या माहितीनुसार, आरोपी मुंबईच्या मढ भागात जाऊन चौकीदाराला मारहाण करत होते आणि त्याला पैशांची मागणी करत होते. एवढेच नाही तर त्यांनी या मारहाणीचा व्हिडिओही व्हायरल केला. यानंतर पीडित चौकीदार दयानंद गौड याने मालवणी पोलीस ठाण्यात येऊन तक्रार दाखल केली. पोलिसांनी भारतीय दंड संहितेच्या (IPC) कलम 452,385,323,504, 506,34 अन्वये गुन्हा नोंदवून तिन्ही आरोपींना अटक केली आहे.
मनसे पदाधिकाऱ्यांकडून खुलासा
चारकोप विधानसभेचे मनसे विभाग अध्यक्ष दिनेश साळवी यांनी याबाबत स्पष्टीकरण दिले आहे. ते म्हणाले की, चौकीदार नीट वागत नव्हता. वास्तविक मराठी निर्माते, दिग्दर्शक आणि एक मराठी अभिनेत्री शूटिंगसाठी जागा पाहण्यासाठी मढ परिसरातील एका बंगल्यात गेले होते. तेथे तैनात असलेल्या चौकीदाराने आतमध्ये शूटिंग चालू आहे असे सांगून त्यांना आत जाण्यास नकार दिला. यानंतर, मराठी अभिनेत्रीने राज ठाकरेंचा फोटो चौकीदाराला दाखवला आणि ती मनसे कार्यकर्ता असल्याचे सांगितले. वॉचमनने फोटोमध्ये राज ठाकरे यांना ओळखले नाही. मुंबईत राहून राज ठाकरे यांना ओळखत नाही, असे सांगत अभिनेत्रीने चौकीदाराला मारहाण करण्यास सुरुवात केली.
चौकीदाराने चूक स्वीकारली आणि सांगितले की राज ठाकरे कोण आहेत हे त्याला माहिती नव्हते. यावर अभिनेत्री म्हणाली की, तिच्या पायाला स्पर्श करून माफी माग. खुर्चीवर बसल्यावर चौकीदाराने तिच्या पायाला स्पर्श केला तेव्हा अभिनेत्रीने त्याला आणखी मारहाण केली. अभिनेत्री म्हणाली की, खाली वाक आणि पायाला स्पर्श कर. यानंतर चौकीदाराने वाकून माफी मागितली. यानंतर त्याचा व्हिडिओही व्हायरल झाला. वॉचमनने त्याच्या तक्रारीत म्हटले आहे की, त्याला पन्नास हजार रुपयांची मागणीही करण्यात आली होती. तथापि, चौकीदाराचा हा पैसे मागण्याचा दावा व्हिडिओमध्ये चित्रित झालेला नाही. मनसे विभागाचे अध्यक्ष दिनेश साळवी म्हणतात, ‘चौकीदाराकडून खंडणीची मागणी कोण करणार? या सर्व आरोपांमागे राजकारण आहे.
Marathi actress beats watchman, charges filed after video goes viral
महत्त्वाच्या बातम्या
- ‘जम्मू -काश्मीरला सुरक्षा पुरवण्यात केंद्र अपयशी, राज्यात विकास कुठे?’ सरसंघचालक मोहन भागवत यांच्या वक्तव्यावर कपिल सिब्बल यांचा सवाल
- Aryan Khan Drugs Case : ड्रग्जप्रकरणी असदुद्दीन ओवैसी म्हणतात- ज्यांचा बाप ताकदवान त्यांच्यासाठी आवाज उठवणार नाही!
- अंतराळात चित्रपटाच्या शूटिंगचा विक्रम रशियाच्या नावावर, 40 मिनिटांच्या सीनसाठी लागले 12 दिवस, क्रू सुखरूप पृथ्वीवर परतला
- सोशल मीडियावरद्वारे न बोलण्याचे सोनियांचे निर्देश सिद्धूंनी डावलले, 13 मुद्द्यांवर लिहिले पत्र, सोशल मीडियावर केले पोस्ट
- पंजाब काँग्रेसमध्ये गोंधळ सुरूच, सिद्धूंनी सोनिया गांधींना 13 मुद्द्यांवर लिहिले पत्र, भेटण्यासाठी मागितली वेळ