• Download App
    Manoj Jarange : मनोज जरांगे यांचा बंजारा समाजाच्या आंदोलनाला पाठिंबा

    Manoj Jarange : मनोज जरांगे यांचा बंजारा समाजाच्या आंदोलनाला पाठिंबा

    manoj jarange

    विशेष प्रतिनिधी

     

    जालना: Manoj Jarange : बंजारा समाजाला हैदराबाद गॅझेटच्या आधारे अनुसूचित जमाती (एसटी) प्रवर्गातून आरक्षण मिळावे, या मागणीसाठी बंजारा समाज आक्रमक झाला आहे. या मागणीसाठी बंजारा समाजाने जालना आणि बीड येथे आज भव्य मोर्चाचे आयोजन केले आहे. दरम्यान, हैदराबाद गॅझेटच्या आधारे मराठा समाजासाठी आरक्षणाची मागणी करणारे मनोज जरांगे यांनी बंजारा समाजाच्या मागणीला पाठिंबा दर्शवला आहे.

    जर मराठा समाजाला हैदराबाद गॅझेटच्या आधारे ओबीसी प्रवर्गातून आरक्षण दिले जात असेल, तर त्याच गॅझेटच्या आधारावर बंजारा समाजाला एसटी प्रवर्गातून आरक्षण मिळावे, अशी मागणी बंजारा समाजाकडून करण्यात येत आहे. हैदराबाद गॅझेटमध्ये बंजारा समाजाचा अनुसूचित जमाती (एसटी) म्हणून उल्लेख असल्याचा दावा बंजारा समाजाकडून केला जात आहे. या मागणीसाठी बंजारा समाजाने आज जालना आणि बीड येथे भव्य मोर्चाचे आयोजन केले आहे.



    मराठा समाजाला हैदराबाद गॅझेट लागू करून आरक्षण दिल्याप्रमाणे बंजारा समाजालाही या गॅझेटच्या आधारे अनुसूचित जमाती प्रवर्गात समाविष्ट करण्याची मागणी बंजारा समाजाने केली आहे. हैदराबाद गॅझेटनुसार बंजारा समाजाचा एसटी प्रवर्गात समावेश होऊ शकतो, त्यामुळे सरकारने तातडीने याबाबत निर्णय घ्यावा, अशी मागणी बंजारा समाजाचे धर्मगुरू जितेंद्र महाराज यांनी हिंगोली येथे केली होती. तसेच, सरकारने याबाबत निर्णय न घेतल्यास राज्यातील लाखो बंजारा बांधव रस्त्यावर उतरून आंदोलन करतील, असा इशाराही त्यांनी यावेळी दिला होता. हिंगोली येथे बंजारा आणि सी समाजाची संयुक्त बैठक घेऊन याबाबत घोषणा करण्यात आली होती.

    आज बंजारा समाजाने बीड आणि जालना येथे भव्य मोर्चाचे आयोजन केले. या मोर्चात लाखो बंजारा बांधव सहभागी झाले. बंजारा समाजातील नेते आणि सामाजिक कार्यकर्त्यांनीही या आंदोलनाच्या मागणीला पाठिंबा दिला आहे. या मागणीसाठी एका तरुणाने आत्महत्या केल्याची दु:खद घटनाही घडली आहे. दरम्यान, मराठा आंदोलक मनोज जरांगे यांनी बंजारा समाजाच्या आरक्षणाच्या मागणीला पाठिंबा दर्शवला आहे. ते म्हणाले, “जर हैदराबाद गॅझेटमध्ये बंजारा समाजाचा एसटी म्हणून उल्लेख असेल, तर त्यांना एसटी प्रवर्गातून आरक्षण देण्यात यावे. त्यांच्या या मागणीला आमचा पूर्ण पाठिंबा आहे.”

    मराठा आणि ओबीसी यांच्या आंदोलनाची धग काहीशी शांत झाली असताना आता इतर समाजांनीही आरक्षणाच्या मागणीसाठी आंदोलने सुरू केली आहेत. बंजारा आणि धनगर समाजानेही एसटी प्रवर्गातून आरक्षण मिळावे, यासाठी आंदोलन करण्याचा इशारा दिला आहे. त्यामुळे या सर्व आंदोलनांवर सरकार काय निर्णय घेते आणि ही आंदोलने शांत करण्यासाठी सरकार कशा प्रकारे प्रयत्न करते, हे पाहणे औत्सुक्याचे ठरेल.

    Manoj Jarange supports the Banjara community’s movement

    महत्वाच्या बातम्या

    Related posts

    नाशिक मधल्या जैन समाजाच्या णमोकार तीर्थ पर्यटन विकासासाठी शासनाचे विशेष लक्ष; मुख्यमंत्री फडणवीसांची ग्वाही

    आपत्तीग्रस्त शेतकऱ्यांना मदत करायची नाही दानत, तर काटामारी करणाऱ्या साखर कारखान्यांना दाखवतो!!; मुख्यमंत्री देवेंद्र फडणवीसांचा इशारा

    Chandrashekhar Bawankule : बोगस कुणबी प्रमाणपत्र काढल्यास कारवाई, चंद्रशेखर बावनकुळे यांची ओबीसी नेत्यांना मोर्चा रद्द करण्याची विनंती