विशेष प्रतिनिधी
मुंबई : बीड जिल्हा आणि मराठवाड्यातले गुन्हेगारीचे बंड मोडण्यासाठी पोलीस प्रशासन ऍक्टिव्हेट झाले असून मनोज जरांगे यांचा सख्खा मेव्हणा वाळू माफिया विलास खेडकर याच्यासह नऊ जणांवर पोलिसांनी मराठवाड्यातून तडीपारचा बडगा उगारला आहे. या ९ वाळू माफियांपैकी ६ वाळू माफिया मनोज जरांगे यांच्या मराठा आरक्षण आंदोलनात आघाडीवर होते. त्यांच्यावर 2019 पासून वेगवेगळे गुन्हे दाखल होते. मराठा आरक्षण आंदोलनाच्या नावाखाली ते गुन्हे दडपण्यात हे सगळे वाळू माफिया आणि गुन्हेगार आत्तापर्यंत यशस्वी झाले होते. परंतु आता पोलिसांनी कठोर कायदेशीर कारवाई करून या सगळ्यांना तडीपार केले आहे. या सगळ्या वाळू माफिया गुन्हेगारांवर बीड जालना परभणी आणि छत्रपती संभाजी नगर या जिल्ह्यांमधून तडीपारी लागू असेल.
विलास खेडकर याच्या विरोधात वाळू चोरीचे तीन गुन्हे दाखल आहेत. यापैकी अवैध वाळू वाहतुकीचा गुन्हा 2021 मध्ये दाखल झाला. 2023 मध्ये सुरुवातीला 100 ब्रास वाळूची चोरी आणि नंतर 500 ब्रास वाळूची चोरी याबद्दलही गुन्हे दाखल झाले. हे गुन्हे गोंदी पोलीस ठाण्यात दाखल झाले. त्याने पाथरवाला बुद्रुक मधून 500 ब्रास वाळूची चोरी केली होती.
विलास खेडकर याच्यावर तडीपारची कारवाई करण्यात आली त्याचबरोबर वामन मसूरराव तौर, रामदास मसूरराव तौर, संदीप सुखदेव लोहोकरे, गोरख बबनराव कुरणकर, अमोल केशव पंडित, केशव माधव वायभट, गजानन गणपत सोळंके, सुयोग मधुकर सोळंके या सगळ्यांवर तडीपरीची कारवाई करण्यात आली आहे.
– मनोज जरांगेंनी आगपाखड
आपला सख्खा मेव्हणा वाळू माफिया विलास खेडकर याला तडीपरीची नोटीस आल्याबरोबर मनोज जरांगे यांनी फडणवीस सरकारवर आगपाखड केली. देवेंद्र फडणवीस यांनी मराठा आंदोलकांना नोटीस गेली, तर त्यांना त्याची किंमत चुकवावी लागेल. त्यांना मराठा समाज देत असलेला सन्मान विसरावा लागेल, असा दावा मनोज जरांगे यांनी केला.
Manoj Jarange brother-in-law Vilas Khedkar
महत्वाच्या बातम्या
- US H-1B visa : अमेरिकेच्या H-1B व्हिसासाठी अर्ज करण्याची तारीख जाहीर
- Arvind Kejriwal : अरविंद केजरीवाल अन् संजय सिंह यांची चौकशी करण्यासाठी ACBचे पथक रवाना
- S. Jaishankar: अमेरिकेने १५ वर्षांत किती भारतीयांना मायदेशी पाठवले?
- फडणवीसांनी राहुल गांधींवर केला कव्हर फायरिंगचा आरोप; पण मग केजरीवालांनी काय केलं??