शरद पवारांनी कालच जितेंद्र आव्हाडांना विरोधी पक्षनेते पदाची दिली होती जबाबदारी
विशेष प्रतिनिधी
मुंबई : महाराष्ट्रात नाट्यमय राजकीय घडामोडी सुरू आहेत. एकीकडे राष्ट्रवादीत महाबंडखोरी झाल्यानंतर आता महाविकास आघाडीतील घटक पक्षात विरोधी पक्षनेते पदासाठी चढाओढ सुरू झाल्याचे दिसत आहे. कारण, राष्ट्रवादी काँग्रेस म्हणजेच शरद पवारांनी काल जितेंद्र आव्हाडांना विरोधी पक्षनेते पदाची जबाबदारी दिल्यानंतर, आज काँग्रेसने विरोधी पक्षनेते पदावर दावा ठोकला आहे. Maharashtra Political Crisis Now we are the strongest opposition party Congress claimed the post of leader of the opposition
काँग्रेसचे ज्येष्ठ नेते बाळासाहेब थोरात म्हणाले आहेत की, विरोधी पक्षनेता हा काँग्रेसचाच असावा. या मुद्द्यावर काँग्रेसची बैठकही होणार आहे. तसेच, ज्याच्याकडे जास्त संख्याबळ असेल त्याच पक्षाचा विरोधी पक्षनेते केला जाईल, असेही बाळासाहेब थोरात यांनी स्पष्ट केले आहे.
‘’आता काँग्रेस हा विरोधी पक्षातील सर्वात मजबूत पक्ष आहे. आमचे आमदार पक्षात अबाधित आहेत. 2019 मध्ये आमचे 44 आमदार होते, आता आमचे 45 आहेत. काँग्रेस महाराष्ट्रातील विरोधी पक्षनेतेपदाची मागणी करणार आहे. उद्याही या विषयावर बैठक होणार आहे.’’ असं थोरात म्हणाले आहेत.
याशिवाय, महाविकास आघाडीला जनतेचा पाठिंबा असल्याने महाविकास आघाडी अधिक मजबूत होईल, आम्ही पुढील धोरणावर चर्चा करू. महाविकास आघाडीची बैठकही लवकरच होणार आहे. असेही यावेळी थोरात यांनी सांगितले.
Maharashtra Political Crisis Now we are the strongest opposition party Congress claimed the post of leader of the opposition
महत्वाच्या बातम्या
- शरद पवारांनी जितेंद्र आव्हाडांना दिली पक्ष प्रतोद आणि विरोधी पक्षनेतेपदाची जबाबदारी
- रात्रीस खेळ चाले; अजितदादांसह 9 मंत्र्यांवर राष्ट्रवादीने टांगली अपात्रतेची तलवार!!; विधानसभा अध्यक्षांना पाठविला ई-मेल आणि व्हॉट्स एप!!
- रात्रीस खेळ चाले; अजितदादांसह 9 मंत्र्यांवर राष्ट्रवादीने टांगली अपात्रतेची तलवार!!; विधानसभा अध्यक्षांना पाठविला ई-मेल आणि व्हॉट्स एप!!
- मोदींची 2019 ची मूळ योजना फलद्रूप; भाजप – शिवसेना – राष्ट्रवादी महाराष्ट्रात एकत्र, काँग्रेस एकाकी, त्यात ठाकरे – पवारांची भर!!