प्रतिनिधी
मुंबई : महाराष्ट्रात पोलीस भरतीची घोषणा शिंदे फडणवीस सरकारने केली, पण आता त्या भरतीला तात्पुरती स्थगिती दिली आहे गेल्या दोन वर्षात पोलीस भरती झालेली नाही. त्यामुळे अनेकांच्या वयोमर्यादा ओलांडल्या आहेत. या पार्श्वभूमीवर वयोमर्यादा वाढवून पोलीस भरती करण्याचा सरकारचा मनसुबा दिसतो आहे. त्यामुळे सध्या जाहीर केलेल्या पोलीस भरतीला तात्पुरती स्थगिती देऊन वयोमर्यादा वाढवून भरतीची जाहिरात प्रसिद्ध होण्याची शक्यता आहे. Maharashtra Police Recruitment Temporarily Suspended; Possibility of increase in age limit
पोलिस भरतीसाठी इच्छुक असणाऱ्या उमेदवारांसाठी एक महत्वाची बातमी समोर येत आहे. नोव्हेंबर महिन्यात राज्यात होणारी पोलिस भरती प्रक्रिया आता पुढे ढकलण्यात आली आहे. या प्रक्रियेला आता तात्पुरत्या स्वरुपात स्थगिती देण्यात आली असून पुढील आठवड्यात याबाबतचा निर्णय होणार असल्याचे सांगण्यात येत आहे. यासोबतच राज्य राखीव दलातील पोलिस शिपाई भरती प्रक्रिया देखील पुढे ढकलली आहे.
भरती प्रक्रियेला स्थगिती
राज्यात पोलिस दलात 14 हजार 956 पदांसाठी भरती प्रक्रिया सुरू करण्याची घोषणा राज्य सरकारने केली होती. या प्रक्रियेला नोव्हेंबर महिन्यापासून सुरुवात होणार होती. पण आता या भरती प्रक्रियेला तात्पुरत्या स्वरुपात स्थगिती देण्याचा निर्णय राज्य सरकारने घेतला आहे. प्रशासकीय कारणास्तव पोलिस भरतीच्या जाहिरातील स्थगिती देण्यात आल्याची माहिती मिळत आहे. याबाबत आता पुढील आठवड्यात निर्णय घेण्यात येणार आहे.
काय आहे कारण?
मागील तीन वर्षांमध्ये राज्यात पोलिस भरती झालेली नाही. वयोमर्यादा संपल्यामुळे अनेक उमेदवार हे पोलिस भरतीसाठी अपात्र ठरत आहेत. त्यामुळे अशा उमेदवारांना देखील नोकरीची संधी मिळावी, त्यांच्यावर कोणताही अन्याय होऊ नये. त्यामुळे या भरतीला तात्पुरती स्थगिती देण्यात आल्याची माहिती सरकारकडून मिळत आहे. त्यामुळे पुढील आठवड्यात निघणा-या नवीन जाहिरातीत वयोमर्यादा वाढवण्याचा निर्णय घेतला जाण्याची शक्यता वर्तवण्यात येत आहे.
Maharashtra Police Recruitment Temporarily Suspended; Possibility of increase in age limit
महत्वाच्या बातम्या
- महाराष्ट्रात सायबर इंटेलिजन्स युनिट उभारणार; सुरजकुंडच्या बैठकीत देवेंद्र फडणवीसांची माहिती
- राजस्थानात घृणास्पद प्रकार; भीलवाडा शहरात स्टॅम्प पेपरवर मुलींची विक्री
- Maha RERA recruitment : सरकारी नोकरीची संधी; ६५ हजारांपर्यंत पगार, त्वरित करा अर्ज
- नोटांवर लक्ष्मी – गणेशाच्या प्रतिमा : केजरीवालांनी आधी वक्तव्य करून आजमावल्या प्रतिक्रिया, आता लिहिले मोदींना पत्र