वृत्तसंस्था
मुंबई : गतमहिन्यात पाकिस्तानच्या एका लढाऊ विमानाने भारतीय सागरी हद्दीत घुसखोरी केली होती. भारतीय तटरक्षक दलाच्या डॉर्नियर सर्व्हिलन्स प्लेनने त्याला पिटाळून लावले. मिळालेल्या माहितीनुसार, पाकिस्तानी नौदलाचे विमान पीएनएस आलमगीर गुजरातजवळील भारतीय सागरी सीमेवर पोहोचले होते. हे पाहताच सागरी सीमेवर लक्ष ठेवणाऱ्या डॉर्नियर विमानाने भारतीय हद्दीतून त्याला बाहेर जाण्याचा इशारा दिला.Indian Dornier Pakistani fighter jet, PNS Alamgir enters maritime territory
इशारे देऊनही पाकिस्तानी विमानाने प्रतिसाद दिला नाही तेव्हा डॉर्नियरने त्याचा पाठलाग केला. या प्रकरणी तटरक्षक दलाकडून कोणतेही वक्तव्य जारी करण्यात आलेले नसले तरी सूत्रांच्या माहितीनुसार, पाकिस्तानी विमान कठोर कारवाईच्या भीतीने भारतीय पाण्याच्या हद्दीतून बाहेर आले.
पाकिस्तानी लढाऊ विमान आलमगीर भारतीय हद्दीत दाखल होताच भारतीय डॉर्नियर विमानाने त्याचा शोध घेतला. डॉर्नियरने आलमगीरला परत येण्याचा इशारा केला, परंतु त्याने प्रतिसाद दिला नाही. सूत्रांनी दिलेल्या माहितीनुसार, पाकिस्तानी विमानाचा हेतू जाणून घेण्यासाठी डॉर्नियरने रेडिओ कम्युनिकेशन सेटवर कॉलही केला होता, मात्र पाकिस्तानी विमानाचा कॅप्टन प्रतिसाद देण्याऐवजी गप्प बसला होता.
जेव्हा पाकिस्तानी विमानाचा हेतू संशयास्पद दिसला तेव्हा डॉर्नियरने दोन ते तीन वेळा त्याच्या समोरून आक्रमक फॉर्मेशनमध्ये उड्डाण केले. यामुळे त्याला डॉर्नियरच्या आक्रमकतेची जाणीव झाली आणि त्याने भारतीय सीमेवरून माघार घेतली. यानंतर डॉर्नियरने पाकिस्तानी विमान दूर जाईपर्यंत त्यावर लक्ष ठेवले.
Indian Dornier Pakistani fighter jet, PNS Alamgir enters maritime territory
महत्वाच्या बातम्या
- पीएम मोदींच्या अध्यक्षतेखाली आज NITI आयोगाची महत्त्वाची बैठक : नितीश कुमार जाणार नाहीत, KCR यांचा बहिष्कार
- द फोकस एक्सप्लेनर : देशातील पहिल्या स्मॉल सॅटेलाइट लाँच व्हेइकलचे आज उड्डाण, जाणून घ्या काय आहे इस्रोची ही मोहीम?
- आयटी मंत्री वैष्णव यांची बीएसएनएल कर्मचाऱ्यांना तंबी : एकतर कामे करा किंवा सोडा, रेल्वेसारख्या सक्तीच्या निवृत्तीचा इशारा
- गणेशोत्सवासाठी कोकणात यंदाही धावणार मोदी एक्स्प्रेस; पाहा वेळ आणि ठिकाण!!