भाजप नेते आणि माजी खासदार किरीट सोमय्या बुधवार १७ नोव्हेंबरला अमरावती दौरा करणार होते. संचारबंदी लागू असल्याने किरीट सोमय्यांनी अमरावतीचा दौरा रद्द करावा अशी नोटीस अमरावती पोलिसांनी दिली आहे.I want to meet the people of Amravati; Somaiya insists on Amravati tour even after police notice
विशेष प्रतिनिधी
मुंबई : त्रिपुरातील कथित घटनेचा निषेध व्यक्त करण्यासाठी मुस्लिम समाजाने काढलेल्या मोर्चात मोठा हिंसाचार पाहायला मिळाला. त्यानंतर भाजपकडून अमरावती बंदची हाक देण्यात आली.दरम्यान अमरावतीमध्ये हिंसा घडली असल्यामुळे कलम १४४ नुसार संचारबंदी लागू केली आहे.अमरावतीमध्ये गेल्या तीन चार दिवसांपासून दहशतीचं वातावरण आहे.भाजप नेते आणि माजी खासदार किरीट सोमय्या बुधवार १७ नोव्हेंबरला अमरावती दौरा करणार होते.
संचारबंदी लागू असल्याने किरीट सोमय्यांनी अमरावतीचा दौरा रद्द करावा अशी नोटीस अमरावती पोलिसांनी दिली आहे. अमरावतीमध्ये शांतता प्रस्थापित करण्यात आली असून या सार्वजनिक शांततेस बाधा न येण्यासाठी आणि कायदा व सुव्यवस्था अबाधित राहण्यासाठी आपण अमरावती दौरा रद्द करावा असे अमरावती पोलिसांनी किरीट सोमय्या यांना म्हटलं आहे.
पोलिसांची नोटीस मिळताच किरीट सोमय्या यांनी स्वतः ट्विट करत दिली आहे. “आता ठाकरे सरकारने माझ्या उद्याच्या अमरावती दौऱ्यावर प्रतिबंधात्मक आदेश जारी केला आहे. मला अमरावतीच्या लोकांना भेटायचे आहे” असे सोमय्या यांनी म्हटल आहे. तसेच पोलिसांची नोटीसही सोमय्यांनी प्रसिद्ध केली आहे.
पुढे सोमय्या म्हणाले की , विरोधी पक्षनेते देवेंद्र फडणवीस आणि भाजप प्रदेशाध्यक्ष चंद्रकांत पाटील यांच्याशी चर्चा करुन अमरावती दौऱ्याबाबत निर्णय घेणार आहे. अमरावतीमध्ये लोकं खूप घाबरले आहेत. हिंदू समजात एका बाजूला दहशत माजवली जात आहे. तर दुसरीकडे ठाकरे सरकार मूक समर्थन देत आहे. त्यावेळी तिथल्या लोकांचे सांत्वन करण्यासाठी भीती दूर करण्यासाठी मला अमरावतीमध्ये जायचे आहे.
दरम्यान सोमवारी रात्री उशीरा अमरावती पोलिसांनी नोटीस दिली असल्याचे किरीट सोमय्या यांनी सांगितले आहे. सत्तेसाठी हिंदू समाजावर दहशत माजवणार असाल तर देव तुम्हाला सुबुद्धी देवो अस देखील किरीट सोमय्या यांनी म्हटलं आहे.
I want to meet the people of Amravati; Somaiya insists on Amravati tour even after police notice
महत्त्वाच्या बातम्या
- आता ‘ या ‘ जिल्ह्यात २० नोव्हेंबरपर्यंत जमावबंदी लागू
- Mumbai Cruise Drugs Case : गोसावी आणि खबऱ्याची चॅट उघड, मुंबई पोलीस एसआरकेची मॅनेजर पूजा ददलानी बजावणार तिसरी नोटीस
- पूर्वांचल एक्सप्रेस वे वर झालेल्या विमानांच्या गर्जना काय सांगताहेत…??; वाचा पंतप्रधानांच्या भाषणातून…!!
- मोठी बातमी : उद्यापासून करतारपूर कॉरिडॉर पुन्हा उघडणार, केंद्रीय गृहमंत्री अमित शाह यांनी केली घोषणा