शिंदे-फडणवीस सरकारचा हा पहिला अर्थसंकल्प आहे शिवाय देवेंद्र फडणवीसही पहिल्यांदा अर्थसंकल्प सादर करत आहेत.
प्रतिनिधी
एकनाथ शिंदे आणि देवेंद्र फडणवीस यांच्या सरकारचा आज पहिला अर्थसंकल्प मांडला जाणार आहे. उपमुख्यमंत्री व अर्थमंत्री देवेंद्र फडणवीस हे पहिल्यांदाच अर्थसंकल्प सादर करणार आहेत. त्यामुळे या अर्थसंकल्पाकडे सर्वांच्याच नजरा आहेत. शिवाय, राज्यात मागील काही दिवसांमध्ये अवकाळी पावसामुळे शेतकऱ्यांचे झालेले नुकसानीच्या पार्श्वभूमीवर सरकारकडून काय मदत जाहीर केली जाते, हेही पाहायला मिळणार आहे. दरम्यान विरोधकांनी या मुद्द्यावरून आक्रमक भूमिका घेतलेली आहे. त्यावर फडणवीस अर्थसंकल्पातून कसे उत्तर देणार याकडे सर्वांचे लक्ष आहे. There is no doubt in my mind that the opponents will find this budget disappointing Sudhir Mugantiwar
अर्थसंकल्पाच्या पार्श्वभूमीवर विविध प्रतिक्रिया समोर येत आहेत. भाजपा नेते आणि मंत्री सुधीर मुनगंटीवार प्रसारमाध्यमांशी बोलताना म्हणाले, ‘’आजचा अर्थसंकल्प हा चांद्यापासून ते बांद्यापर्यंत, भामरागडपासून रायगडपर्यंत व गडचिरोलीपासून गडहिंग्लजपर्यंत असणाऱ्या छत्रपती शिवाजी महाराजांच्या महाराष्ट्रासाठी रयतेला समर्पित असा अर्थसंकल्प असणार आहे. दीनदुबळे, शोषित, पीडित, अंध, अपंग, निराधार, असहाय्य, अनुसिचीत जाती-जमाती, शेतकरी, शेतमजूर व विशेष करून आंतरराष्ट्रीय महिला दिनाच्या निमित्त महिला सुद्धा या अर्थसंकल्पाच्या केंद्रबिंदू म्हणून या अर्थसंकल्पात प्रतिबिंबीत होणार आहेत.’’
याशिवाय,‘’विरोधकांना हा निराशजनक वाटेल याबद्दल मनात काही शंका नाही. त्यांना अर्थसंकल्प चांगला वाटण्याची दूर दूर पर्यंत शक्यता असण्याचं कारणही नाही. जेव्हा त्यांना संधी असते, तेव्हा संधीचं सोनं करण्याच्या ऐवजी संधीची माती करण्याचं काम त्यांच्या कार्यकाळात होतं आणि आम्ही मात्र सोनं करत, आमच्या दृष्टीने खुर्ची महत्त्वाची नाही. सत्ता महत्त्वाची नाही सत्य महत्त्वाचं आहे, या दृष्टीने आम्ही काम करतो.’’ असंही यावेळी मुनगंटीवार म्हणाले.
याचबरोबर ‘’देशाच्या प्रगतीचा जो वेग आहे, तो जगाने सुद्धा कौतुक करावा असा आहे. आता महाराष्ट्राच्याही प्रगतीचा वेग हा इतर राज्यांनी त्याचं अनुकरण करावं असा वेग या अर्थसंकल्पातून प्राप्त होईल. शेतकी असेल किंवा शेवटच्या पंगतीतला गरीबातील गरीब माणूस असेल, त्याला या अमृतमोहत्सवी वर्षात त्याच्या आयुष्यातील अंधार दूर व्हावा, प्रकाश निर्माण व्हावा, यासाठी या अर्थसंकल्पाकडे आपण बघितलं पाहिजे.’’ असं शेवटी सुधीर मुनगंटीवार यांनी सांगितलं.
There is no doubt in my mind that the opponents will find this budget disappointing Sudhir Mugantiwar
महत्वाच्या बातम्या
- शरद हे शादाब असते तर सेक्युलरांनी त्यांना भाजपची बी टीम म्हटले असते का??, नागालँड वरून ओवैसींचा पवारांना टोला
- Eric Garcetti Profile : राष्ट्राध्यक्ष बायडेन यांचे विश्वासू, वादांशी संबंध; आता होणार भारतातील राजदूत, कोण आहेत एरिक गार्सेटी? वाचा सविस्तर
- दिल्लीत मद्य घोटाळ्यात केसीआर यांच्या कन्येला तात्पुरता दिलासा, आमदार कविता यांची आता 11 मार्चला ईडीकडून होणार चौकशी
- नागालँडच्या मुख्यमंत्र्यांना पाठिंबा दिल्याने JDU ने राज्य कार्यकारिणीवर केली ‘ही’ मोठी कारवाई