Parambir Singh : मुंबईचे माजी पोलीस आयुक्त परमबीर सिंह यांच्या अडचणीत आणखी वाढ झाली आहे. ठाण्यात परमबीर सिंह यांच्याविरोधात चौथा एफआयआर दाखल करण्यात आला आहे. परमबीर सिंहसह 28 जणांविरुद्ध खंडणी, धमकीसह विविध कलमांखाली एफआयआर नोंदवण्यात आला आहे. या एफआयआरमध्ये माजी एन्काउंटर स्पेशालिस्ट प्रदीप शर्मा, डीसीपी दीपक देवराज, एनटी कदम आणि राजकुमार कोथमिरे यांच्यासह 28 जणांना आरोपी करण्यात आले आहे. अकबर पठाण, पराग मणेरे यांच्यानंतर आता डीसीपी दीपक देवराज यांच्याविरोधात एफआयआरही दाखल करण्यात आला आहे. Forth FIR against mumbai former commissioner parambir singh or 28 others in forgery case
विशेष प्रतिनिधी
मुंबई : मुंबईचे माजी पोलीस आयुक्त परमबीर सिंह यांच्या अडचणीत आणखी वाढ झाली आहे. ठाण्यात परमबीर सिंह यांच्याविरोधात चौथा एफआयआर दाखल करण्यात आला आहे. परमबीर सिंहसह 28 जणांविरुद्ध खंडणी, धमकीसह विविध कलमांखाली एफआयआर नोंदवण्यात आला आहे. या एफआयआरमध्ये माजी एन्काउंटर स्पेशालिस्ट प्रदीप शर्मा, डीसीपी दीपक देवराज, एनटी कदम आणि राजकुमार कोथमिरे यांच्यासह 28 जणांना आरोपी करण्यात आले आहे. अकबर पठाण, पराग मणेरे यांच्यानंतर आता डीसीपी दीपक देवराज यांच्याविरोधात एफआयआरही दाखल करण्यात आला आहे.
सट्टेबाज केतन तन्ना आणि सोनू जालान यांच्या तक्रारीवरून माजी आयुक्त परमबीर सिंह यांच्याविरुद्ध चौथा एफआयआर नोंदवण्यात आला आहे. पोलिसांनी गँगस्टर रवीसह मिळून बनावट केस रचल्याचा आरोप करण्यात आला आहे. यानंतर केतन तन्नाकडून 1 कोटी 25 लाख रुपये, सोनू जालानकडून 3 कोटी 45 लाख रुपये आणि किरण मालाकडून कारवाई न केल्याबद्दल आणि आरोपींच्या यादीतून नावे काढून टाकल्याबद्दल 1 कोटी 50 लाख रुपये वसूल करण्यात आल्याचा आरोप आहे.
परमबीर सिंहांवर कोट्यवधी वसूल केल्याचा आरोप
या प्रकरणात रियाज भाटीचा जबाबही नोंदवण्यात आला. संजय पुनमिया यांनी परमबीर सिंह यांच्यामार्फत आरोपींच्या यादीतून वगळण्याचे वचन देऊन त्याच्याकडून दीड कोटी रुपये वसूल केले असल्याचे सांगितले जात आहे. रियाज भाटीने दावा केला की, संजय पुनामिया यांनी त्याच्यासमोर फोनवर परमबीर सिंह यांच्याशी संवाद साधला होता. याच महिन्यात परमबीर सिंह यांच्याविरोधात तिसरा एफआयआरही नोंदवण्यात आला. आता त्यांच्याविरुद्ध चौथा एफआयआर दाखल झाला आहे.
परमबीर सिंह यांच्याविरोधात एसआयटी तपास
मुंबईचे माजी पोलीस आयुक्त परमबीर सिंह आणि इतर 5 पोलीस अधिकाऱ्यांविरोधात नोंदवण्यात आलेल्या गुन्ह्याचा तपास करण्यासाठी मुंबई पोलिसांनी एसआयटीची स्थापना केली. डीसीपी स्तरावरील अधिकाऱ्याला या तपास पथकाचे प्रमुख बनवण्यात आले आहे. तर एसीपी स्तरावरील अधिकाऱ्याला संपूर्ण प्रकरणाचा तपास सोपवण्यात आला आहे. एवढेच नाही, तर तीच टीम तक्रार दाखल करणाऱ्या श्यामसुंदर अग्रवालविरोधात जुहू पोलीस ठाण्यात MCOCA अंतर्गत नोंदवलेल्या प्रकरणाची चौकशीदेखील करेल. अग्रवाल हा छोटा शकीलशी संबंधित असल्याचा आरोप आहे.
Forth FIR against mumbai former commissioner parambir singh or 28 others in forgery case
महत्त्वाच्या बातम्या
- Assam-Mizoram Border Dispute : मिझोराम पोलिसांनी आसामच्या मुख्यमंत्र्यांविरोधात दाखल केला एफआयआर, 1 ऑगस्टला ठाण्यात हजर राहण्यास सांगितले
- Covid-19 Vaccine : काँग्रेसच्या माजी अध्यक्षांनी अखेर घेतली कोरोनाची लस, पहिला डोस घेतल्यामुळे राहुल गांधी दोन दिवसांपासून संसदेत गैरहजर
- देशात तिसरी लाट केरळमधून येण्याची भीती, कोरोना रुग्णसंख्या वाढतेय ; ईशान्य भारतात परिस्थिती बिकट
- Tokyo Olympics : अतनु दासपाठोपाठ बॉक्सर अमित पंघालही बाहेर ; कमलप्रीत कौर फायनलमध्ये
- बॉक्सर पूजा वडिलांना केला फोन म्हणाली ,”पप्पा तुमच्या विश्वासाला तडा जाऊ देणार नाही.”