लोहगाव येथील पुणे विमानतळाच्या धावपट्टीच्या दुरुस्तीचे काम हाती घेण्यात आले असून 16 ऑक्टोबरपासून 15 दिवस विमानतळावरील उड्डाणे बंद राहणार असल्याची माहिती पुणे एअरपोर्ट अथोरिटीजने ट्विटरद्वारे दिली आहे. याकाळात एकही विमान उड्डाण करू शकणार नाही किंवा उतरू शकणार नाही.Flights at Pune Airport closed for 15 days
विशेष प्रतिनिधी
पुणे: लोहगाव येथील पुणे विमानतळाच्या धावपट्टीच्या दुरुस्तीचे काम हाती घेण्यात आले असून 16 ऑक्टोबरपासून 15 दिवस विमानतळावरील उड्डाणे बंद राहणार असल्याची माहिती पुणे एअरपोर्ट अथोरिटीजने ट्विटरद्वारे दिली आहे. याकाळात एकही विमान उड्डाण करू शकणार नाही किंवा उतरू शकणार नाही.
याबाबत पुणे एअरपोर्ट अथोरिटीजचे संचालक संतोष ढोके डेली सिटी न्यूज सोबत बोलताना म्हणाले, हवाई दलाकडून सप्टेंबर 2020 मध्ये विमानतळाच्या धावपट्टीच्या देखभाल दुरुस्तीचे काम हाती घेण्यात आले होते. या कामातील महत्त्वाचा टप्पा 16 ऑक्टोबरपासून सुरू होणार आहे त्यामूळे 29 ऑक्टोबरपर्यंत विमानतळ पूर्णपणे बंद राहणार आहे. हे काम भारतीय हवाई दलाकडून केले जाणार आहे. त्यामुळे 15 ऑक्टोबर, रात्री 8 ते 30 ऑक्टोबर, सकाळी 8 पर्यंत विमानतळ बंद राहणार आहे.
लोहगाव विमानतळ बंद ठेवण्याबाबत प्रशासनाने फक्त 10 दिवस अगोदर सांगितल्याने प्रवाशांची मोठीया अडचण होणार आहे. या निर्णयाचा फटका 16 ते 30 ऑक्टोबर दरम्यान तिकिट रिजर्वेशन केलेल्या प्रवाशांना बसणार आहे. यापूर्वी कोरोनामुळे लागलेल्या लॉकडाउनच्या काळात रात्रीची उड्डणे बंद केल्याने हजारो प्रवाशांना तिकिटे रद्द करावी लागली होती. आताही तिकिटे बुक केलेल्या प्रवाशांना तिकिट रिजर्वेशन रद्द करण्यास आणि त्याचा परतावा परत मिळवण्यास मोठी दमछाक करावी लागणार आहे. दरम्यान, यामुळे विमान कंपन्यांचे आणि प्राधिकारणाचेही आर्थिक नुकसान होणार आहे.
Flights at Pune Airport closed for 15 days
महत्त्वाच्या बातम्या
- अंतराळात रशिया रचणार विक्रम, अवकाशात पहिल्यांदा करणार चित्रपटाचे शूटिंग, अभिनेत्रीसह संपूर्ण टीम अवकाशयानातून जाणार
- Drugs Case : शर्लिन चोप्राचे शाहरुख खानवर गंभीर आरोप, म्हणाली- बॉलीवूड स्टार्सच्या बायका त्यांच्या पार्ट्यांमध्ये ‘व्हाइट पावडर’ घ्यायच्या
- थॉमस नावाच्या ‘हॅकर’मुळे इन्स्टाग्राम, फेसबुक आणि व्हॉट्सअप झाले होते ठप्प, आता अमेरिकेची एफबीआय मागावर
- Priyanka Gandhi Arrested : प्रियांका गांधींना अटक, शांतता भंग आणि कलम -144 चे उल्लंघन केल्याचा आरोप
- प्रियांका गांधी केंद्रस्थानी येत असल्याने अखिलेश यादव अस्वस्थ; निघाले उत्तरप्रदेशच्या रथयात्रेवर!!