Builder Sanjay Gaikwad : देशभरात वीजचोरीची बाब नवीन नाही. पण एखाद्या धनाढ्यावर वीजचोरीचा ठपका लागला तर त्याची चर्चा तर होतेच. महाराष्ट्रातील वीज चोरीच्या घटनेने खळबळ उडाली आहे. कल्याणमधील प्रसिद्ध बांधकाम व्यावसायिक संजय गायकवाड यांच्यावर नुकताच 35,000 रुपयांच्या वीज चोरीचा गुन्हा दाखल करण्यात आला आहे. त्यांना थकीत रकमेसह दंडही भरावा लागणार आहे. FIR on Famous Builder Sanjay Gaikwad in electricity Theft by Mahavitaran
विशेष प्रतिनिधी
मुंबई : देशभरात वीजचोरीची बाब नवीन नाही. पण एखाद्या गर्भश्रीमंतावर वीजचोरीचा ठपका लागला तर त्याची चर्चा तर होतेच. महाराष्ट्रातील वीज चोरीच्या घटनेने खळबळ उडाली आहे. कल्याणमधील प्रसिद्ध बांधकाम व्यावसायिक संजय गायकवाड यांच्यावर नुकताच 35,000 रुपयांच्या वीज चोरीचा गुन्हा दाखल करण्यात आला आहे. त्यांना थकीत रकमेसह दंडही भरावा लागणार आहे.
8 कोटींची कार केली खरेदी
प्रसिद्ध बांधकाम व्यावसायिक संजय गायकवाड यांच्याविरुद्ध महाराष्ट्र राज्य विद्युत वितरण कंपनी लिमिटेडने (महावितरण) गेल्या आठवड्यात एफआयआर दाखल केला होता. वीज चोरीच्या या बातमीने सर्वांनाच आश्चर्याचा धक्का बसला आहे. खरं तर अलीकडेच संजय गायकवाड यांनी आलिशान रोल्स रॉयस कार आठ कोटी रुपयांना विकत घेतली. कोट्यवधींची मालमत्ता असणाऱ्या गायकवाड यांच्यावर 35 हजारांच्या वीज चोरीप्रकरणी गुन्हा दाखल झाल्याने प्रत्येकजण आश्चर्यचकित आहे.
‘एबीपी’ने सूत्रांनी दिलेल्या माहितीनुसार, महावितरणचे अतिरिक्त कार्यकारी अभियंता अशोक बुंडे यांच्या नेतृत्वात मार्चमध्ये एक टीम तयार करण्यात आल्याची माहिती मिळाली आहे. या पथकाने कल्याण (पू.) येथील कोळसेवाडी परिसरातील गायकवाड यांच्या बांधकाम स्थळांची पाहणी केली व वीज चोरी होत असल्याचे आढळले.
वीज बिलासह दंड भरला
यानंतर महावितरणने तातडीने गायकवाड यांना 34,840 रुपयांचे बिल पाठविले आणि 15,000 रुपये दंडही ठोठावला. दुसरीकडे, गत तीन महिन्यांपासून गायकवाड यांनी पैसे न दिल्याने महावितरणने गत आठवड्यात महात्मा फुले पोलिस ठाण्यात तक्रार दिली.
महावितरणचे म्हणणे आहे की, एफआयआर नोंदल्यानंतर गायकवाड यांनी सोमवारी संपूर्ण बिलाची रक्कम तसेच दंड भरला. दुसरीकडे, संजय गायकवाड यांनी म्हटलं की, “वीजचोरी नसून तडजोडीचं बिल होतं, मीटरचा एक फेज जळाल्यानं महावितरणचे अधिकारी साईट व्हिजिट करण्यास आले होते. मीटरचा एक फेज बायपास असल्याचं त्यांचा निदर्शनास आलं, म्हणून महावितरणकडून तडजोडीचं बिल आकारण्यात आलं. परंतु, बिल आम्हाला मिळालं नव्हतं, माझी नाहक बदनामी केल्याप्रकरणी महावितरणाविरोधात अब्रुनुकसानीचा दावा करणार आहे.”
FIR on Famous Builder Sanjay Gaikwad in electricity Theft by Mahavitaran
महत्त्वाच्या बातम्या
- Yashpal Sharma Death : 1983च्या विश्वविजेत्या संघाचे सदस्य यशपाल शर्मा यांचे निधन, अशी होती त्यांची क्रिकेट कारकीर्द
- अभिमानास्पद : मराठी माणसाकडून इलेक्ट्रिक कारची निर्मिती, कांबळे बंधूंची स्वदेशी डेक्स्टो कार लवकरच धावणार रस्त्यावर
- नाना पटोले राज्यातील अतिमहत्त्वाचे नेते, त्यांनी फार गांभीर्याने घेऊ नये, संजय राऊतांचा सल्ला
- पंकजा मुंडेंची नाराज समर्थकांसोबत बैठक, कार्यकर्त्यांच्या राजीनामा सत्रानंतर काय निर्णय घेणार?
- काँग्रेस प्रदेशाध्यक्ष नाना पटोलेंचे घुमजाव, म्हणाले – ‘माझ्या वक्तव्याचा विपर्यास केला, माझा आरोप राज्य नव्हे, तर केंद्र सरकारवर!