• Download App
    Nitin Gadkari आर्थिकदृष्ट्या सक्षम देशांकडून सध्या गुंडगिरी, ट्रम्प टॅरिफवरून

    Nitin Gadkari : आर्थिकदृष्ट्या सक्षम देशांकडून सध्या गुंडगिरी, ट्रम्प टॅरिफवरून नितीन गडकरी यांचा टोला

    Nitin Gadkari

    विशेष प्रतिनिधी

    नवी दिल्ली : Nitin Gadkari  आर्थिकदृष्ट्या सक्षम देशांकडून सध्या गुंडगिरी सुरू आहे.” असे म्हणत केंद्रीय मंत्री नितीन गडकरी यांनी नाव न घेता अमेरिकेला टोला लगावला आहे.Nitin Gadkari

    अमेरिकेचे राष्ट्राध्यक्ष डोनाल्ड ट्रम्प यांनी भारतावर 50 टक्के टॅरिफ लावण्याचा निर्णय घेतला. तसेच, भारताने रशियाकडून तेल खरेदी करू नये, अशी डोनाल्ड ट्रम्प यांची भूमिका असल्याचे समोर आले. केंद्रीय मंत्री नितीन गडकरी यांनी विश्वेश्वरय्या राष्ट्रीय तंत्रज्ञान संस्थेत (VNIT) आपल्या भाषणात विज्ञान आणि तंत्रज्ञानाचे महत्त्व सांगतानाच, अमेरिकेचे राष्ट्राध्यक्ष डोनाल्ड ट्रम्प यांचे नाव न घेता टोला लगावला. आपल्या भाषणात त्यांनी देशाची निर्यात वाढवण्याची गरज असण्यावरही भर दिला. ते म्हणाले की, “आज दादागिरी करणारे देश हे आर्थिकदृष्ट्या मजबूत असल्याने आणि त्यांच्याकडे नवीन तंत्रज्ञान असल्याने ते असे करू शकतात.Nitin Gadkari



    भारताने निर्यात वाढवण्यावर आणि आयात कमी करण्याच्या गरजेवर भर देत गडकरी म्हणाले , जर आपल्याला भारताला ‘विश्वगुरू’ बनवायचे असेल, तर निर्यात वाढवणे आणि आयात कमी करणे आपल्यासाठी खूप महत्वाचे आहे.जर आपला निर्यात दर आणि अर्थव्यवस्थेचा दर वाढला, तर आपल्याला कोणापुढे हात पसरायची जाण्याची गरज भासणार नाही. जे देश दादागिरी करत आहेत, ते असे करत आहेत. कारण ते आर्थिकदृष्ट्या मजबूत आहेत आणि त्यांच्याकडे अत्यधुनिक तंत्रज्ञान आहे. आपल्याला चांगले तंत्रज्ञान आणि संसाधने मिळाली तरी आपण कोणावर दादागिरी करणार नाही, कारण आपली संस्कृती आपल्याला शिकवते की जगाचे कल्याण सर्वात महत्वाचे आहे.

    जागतिक स्तरावर आपल्याला विविध समस्यांना तोंड द्यावे लागत आहे. आपल्या सर्वांनाच माहिती आहे की, या सर्व समस्यांवर विज्ञान आणि तंत्रज्ञान हाच उपाय आहे. हे सारे ज्ञान तर आहेच, पण त्यातून शक्ती आणि सामर्थ्यही मिळेल, जे आपल्याला या समस्येतून बाहेर पडण्यास मदत करेल. आपल्याला भारताला ‘विश्वगुरू’ बनवायचे असेल तर निर्यात वाढवणे आणि आयात कमी करणे खूप महत्वाचे आहे. संशोधन संस्था, आयआयटी आणि अभियांत्रिकी महाविद्यालयांनी देशाच्या गरजा लक्षात घेऊन संशोधन करावे. इतर क्षेत्रातील संशोधन देखील तितकेच महत्त्वाचे आहे, असे गडकरी म्हणाले.

    Financially strong nations indulging in bullying, Nitin Gadkari targets US over Trump tariffs)

    महत्वाच्या बातम्या

    Related posts

    OBC Leaders : पुण्यातील बैठकीत हाकेंसह ओबीसी नेत्यांचा आक्रमक पवित्रा; संघर्ष यात्रा काढून ओबीसी आरक्षणाचे रक्षण करू-हाके

    Supriya sule : शरद पवारांच्या ऐवजी सुप्रिया सुळे मनोज जरांगेंच्या भेटीला; पण सामोरे जावे लागले मराठा आंदोलकांच्या रोषाला!!

    Jayakumar Gore on Sharad Pawar : …तर समाजावर ही वेळ आली नसती ; मंत्री जयकुमार गोरे यांची शरद पवारावर टीका.